終於~~~ 等到喇~~ 我地同米豬一齊旅行喇~~~  Ｏ(≧▽≦)Ｏ 上年年尾同老公自私遊東京拍拖, 個心日日都掛住米豬, 結果大家今年都唯有單拖去旅行 (yeah~ 同表妹小姐血拼名古屋!!) 見佢返咗學2個幾月, 開始有規矩, 又開始表達到自己想做咩/邊度唔舒服, 所以就同爸爸決定, 試吓帶佢去搭飛機啦~~~   我同爸爸都有個宿命, 就係搭親飛機總有一個很吵耳的屁孩 (附加放任型家長) 坐附近, 我地都驚米豬成為那隻很吵耳的屁孩, 所以今次試飛, 以機程最短為目標 (byebye日本 T^T), check晒有期又有位ge, 最後揀咗只係距離香港個半鐘機程ge 高雄 作為今次ge目的地喇 (嘈住人都唔好嘈幾粒鐘吖ma XD)   由於米都算係一個小小怕接受新事物ge小朋友, 所以媽媽我都為今次旅行一早作出心理建設, 包括以下ge行為   1. show機場相比佢睇 我搵返晒自己以前去旅行 (尤其是頭幾次出國) d相比米豬睇, 頭幾次去機場, 乜都影餐飽ga ma~ 咁就啱晒~~ 比佢知去到有好大架行李車可以推, 有好多人推住個喼周圍走, 有好多好大ge牌有數字 (其實未識ge) 同埋會見到好多飛機升降     2. 介紹check in流程 繼續係旅行相放送時段~~ 去到counter要比passport比地勤姐姐/哥哥, 拎d喼上去磅重, 之後個喼會自己去搭飛機, 我地去到高雄再見喇~~    3. 入到禁區會做咩, 見到咩人 因為禁區唔比影相, d相唯有上網搵啦~ 揹住個袋袋要放响個兜度, 佢自己會行路軌去另一邊, 米豬同爸爸媽媽一個跟一個行過門口 之後就拎埋身分證同passport去海關哥哥姐姐度, 試吓唔好怕醜, 對住哥哥姐姐笑笑 (要對返個樣呀仔~~~) 笑笑完就可以去玩喇~    4. 入咗閘會有咩玩 放電時間~!!!!!!!! 平時會同爸爸入lounge, 湊住個仔, lounge乜鬼吖~! 搵位放電啦~!! 我已經安排咗disney store做首站放電ga na~ 之後就去登機口, 影返張boarding打卡相 再同佢逐架飛機數~~ 行晒一邊應該都斷電喇掛~~~~ 仲未斷電? 唔緊要~ 香港機場有>>8個放電位<<, 總有一個响左近~!!   5. 準備上飛機要點做 要排隊~ 排排隊~ 一個跟一個~~ 拎住passport同埋登機證, 比地勤哥哥姐姐檢查好, 就可以行過條隧道搭飛機喇~   6. 上到飛機要點 呢個亦係我最擔心, 因為米豬坐唔定.......... 所以除咗同佢講, 可以响窗望到出面D飛機同車車之外, 就係等待  我地可以食咀咀 (很重要~! 我平衡氣壓靠佢了~!!) 睇視視 (發達啦視視放題呀~) (我預先安排爸爸download咗20集麵包超人過落ipad) 再加佢鐘意ge玩具, 再加餅餅/乳酪片/星星餅/果蓉放題, 再加車車貼紙簿, 再再預先收埋2架新車車响我地個袋度, 真係頂唔順時就拎出嚟~ 應該都止到吓咳ge~~ (媽媽上機睇尋秦記呢件事肯定冇咗..........)   希望你第一次搭飛機係一個愉快ge體驗啦~~ 仲有希望今次去旅行順順利利~~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/