最近小JM媽因為多咗件新玩物 - 美的 免油健炸寶(MF20B),所以成日都心癢癢想整嘢食! 無他嘅,比著以前要用勁多油去炸嘢,我又真係唔太想。 一來浪費食油,二來又大油煙。整完要洗個陣先係最怕! 但有咗免油健炸寶,又可以輕鬆炸嘢之餘又唔浪費食油,最重要係方便洗囉! 今次小JM媽心血來潮突然想食蝦多士,於是就叫小JM爸順便買啲材料返來整俾我食! 可惜我仲病緊唔可以食太多,所以只可以睇住爸爸同小JM大口大口咁食。 材料: 泰國蝦肉 白麵包 雞蛋 麵包糠 做法: 1.) 將已去殼嘅虎蝦剁成蓉 2.) 大人版嘅蝦蓉加入生抽、麻油、鹽、糖及生粉攪伴以作調味 3.) 將白麵包一塊切開成四塊,備用 4.) 將蝦蓉均勻塗抹於白麵包之上,再掃上蛋液,沾上麵包糠,備用 5.) 將舊蝦多士放入 免油健炸寶,再以160度烤焗10分鐘,即成