打邊鑪真係成日食， 但係香港又真係好少食重慶火鍋～～ 因為多數朋友都唔食得辣！ 次次都選了比較清同養生的款式。 今次，同老公兩個拍拖去食重慶火鍋， 都算係大挑戰，哈哈！！！ 渝味曉宇重慶老火鍋， 聽過好多次，因為佢剛來香港開店時好多人談論， 帶著節目「舌尖上的中國2」推介的美譽， 當然要去試下啦～～ 我們去了灣仔店，地方非常整潔同光亮， 以打邊鑪店來說，真的不大油煙！ 反而是陣陣重慶麻辣湯味！ 未食已經要流口水了～～     點好菜就上鴛鴦鍋， 中間的是大骨滋補湯，外邊就是重慶辣湯！   因為湯底已經非常夠味，所以調味醬料就不多，只有香油、蔥、蒜、豉油。     前菜小吃，我們點了重慶炸酥肉 $60 好香脆，如果再熱一點更好！！     美國安格斯優質肥牛 $208 吃火鍋點少得牛肉呢～～～～ 呢款肥牛雪花分佈都不錯，焯兩下就食得， 無雪味，好香牛味！ 件件都大大片，唔怕碎濕濕滾兩下唔知去左邊～哈！     鮮黃喉 $99 是牛的喉嚨，因出產量少，所以唔係度度有得食， 見呢度有，一定要點！ 質地好爽身，好有口感好正架！     極品鵝腸 $87 已經去掉肥膏，一點都不油膩，焯一會就已經食得， 配辣湯，非常好味！   曉宇嫩牛肉 $81 同肥牛唔同，嫩牛肉係新鮮牛肉，肉質比較嫩滑不鞋口，牛味重！   稻田毛肚 $112 即是無漂過的牛柏葉，大大片，滾一滾就食得， 材料新鮮，底下更有冰鎮～ 同埋，話比大家知，重慶人吃火鍋， 一定會點香油，就好似麻油咁，大約半碗分量，加蒜加蔥， 每吃一片牛肉，就沾一下， 味道更出眾，同時可以去掉少少辣味！ 點解我知？因為我去過重慶囉！！！XD 都係當地人教我架～       以我去當地食過來比較， 渝味曉宇重慶老火鍋，真係100%還原～ 吃得出真重慶味！ 大家可以一戰～     冰凍自製洛神花茶，雪耳糖水 都為火辣辣的重慶火鍋降降溫！     渝味曉宇重慶老火鍋 網址: https://s.openrice.com/QrbS02Em700 地址: 灣仔皇后大道東202號QRE Plaza 6樓 電話: 31070298