等到頸都長埋,終於等到GU將軍澳店 開幕喇~~將軍澳店位於坑口站既東港城內,地鐵站B出口一出行2分鐘就可以搵到架喇,好易去到~~住得咁近,梗係要去潮聖一下啦~~ 一出地鐵站就有咁大個廣告牌喇~~ 啱啱11點就已經有好多人喇~~ 今次目標明確,首攻童裝部~~店員一見我帶住裕喬喬都知我去童裝部咁,不斷咁講直行轉左就係童裝部~所以都唔難搵架,門口都掛左少少童裝衫,好吸睛架~見到「GU KIDS」就即係話到左喇~~ 行左個圈,童裝部唔算大~麻雀雖小、 五臟俱全,衫褲鞋襪乜都有!!分為Boys and Girls 2邊,衣服尺碼就由110到150⋯⋯可惜裕喬喬太細喇,暫時仲係著緊90⋯⋯想買都有點難⋯⋯正所謂唔買都睇下~價錢合理,質料又OK~~~ 超想買既間條俾裕喬喬呀⋯⋯ 衞衣都好靚呀~~ 除左童裝,梗係有基本男女裝啦~~ 之前特登買出尖沙咀買既可口可樂衫同衞衣都有得賣~ 開幕特有既opening price~~ 女裝一樣好抵架~~以下幾件都好想買呀,聽日等老公揹住裕喬喬先試,試完再買~~ 仲有特設既hello kitty 區,店員話賣哂就唔再翻貨 裕喬喬到此一遊照~ 有興趣既朋友可以睇定有咩心水貨品同like fb page先,買滿$350仲有得扭蛋添呀~~ 我家裕喬的PAGE, 媽媽盡量每日UPDATE喲~ https://www.facebook.com/JacoYK/