山竹吹到十號風球0個日, 咁大個女第一次一路煮飯一路驚隻窗吹爛.... 我要整D一煲過唔駛留咁耐ge野!! 媽媽我响廚房用生命來炆呢煲清湯腩....... 材料: 牛肋條 約1磅 白蘿蔔 1/3條 自家熬雞湯 2碗(約500ml) 香葉 4片 花椒 半茶匙 八角 4粒 白胡椒粒 10粒 冰糖 約5g 做法: 1. 牛肋條洗乾淨切粒加薑蒜跑活水後沖乾淨油脂備用 2. 白蘿蔔批皮切件 3. 落小小油响煲, 爆香已跑活水ge牛肋條 4. 加入雞湯 5. 再加入所有香料 6. 中火煲滾後加蓋轉最小火炆30分鐘, 之後落白蘿蔔再炆多2-3個鐘 7. 試吓味先~ 如果覺得太淡可以加小小鹽, 不過小朋友太細個可以先不起佢0個份再落~ 米豬已經就快20個月大喇~ 所以媽媽我都開始放寬小小鹽呢個調味啦 (反正都係落幾粒仔) 8. 食得~ 一煲過有菜有肉又有湯~ (總之唔駛我留响廚房就得喇....... 真係好恐怖呀媽呀..........) 米豬試食時間~ 乖乖喎~ 我裝好晒落佢個碗仔度就自己不~ 古古惑惑咁~~ 不過好乖食晒成碗呀~~ 煮食小貼士: 1. 我買超級市場0個D急凍牛肋條咋, 早幾日入定貨ga na~ 2. 如果有桂皮會香d, 不過屋企冇,有ge話落返2-3片會好味d~ 3. 如果有牛筋仲正, 但真係冇時間去街市.... 4. 炆咗2-3個鐘其實d蘿蔔未淋晒, 如果趕住食我建議你切細粒d~ 5. 食唔晒唔好倒咗佢, 個湯留返聽日煮烏冬/米粉/河粉呀 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/