對上一次嘅「拋夫棄女」之旅已經係成年前嘅事了。 做咗全職媽媽八個多月，其間同家人去咗三幾次旅行，係好開心嘅， 但係依然要顧好多嘢，未可以完全盡情放鬆。 今次機會終於來啦！ 小JM媽再次「拋夫棄女」，出走澳門，真。爽歪歪！ 盡情享受兩日一夜屬於自己嘅ME TIME。 VIDEO: 先來同大家分享下呢兩日小JM媽食咗啲咩，等大家下次去澳門都可以多個選擇啦！ *最底會有關於澳門嘅舊BLOG回顧可以參考喔!* 1.) 蜀道 地址：路氹城體育館大馬路美獅美高梅地舖 好味指數：**** 「蜀道」，有別於現今嘅一般川菜，一改以往嘅舊印象，唔係一味得個「辣」字。 老川菜實則以「七分不辣、三分辣」為主，而「蜀道」亦希望可以將傳統嘅川菜風味重現， 所以餐牌嘅菜式都係以辣與不辣各佔一半架。 小JM媽雖然不嗜辣，但今趟卻食得好滋味，辣得過癮！而且仲有女茶藝師表演添。 ^ 川鹵鮮鮑、嬌玉嫩竹筍尖、饞嘴粒粒香 川鹵鮮鮑：鮑魚鮮味肉彈，醬汁麻而不辣 嬌玉嫩竹筍尖：味道清新，竹筍尖夠嫩而且爽脆 饞嘴粒粒香：外層脆口無比，內裏辣得過癮 ^ 開水白菜 係四川名菜之一，由川菜名厨黄敬臨係清宮御膳房創制， 亦係國宴嘅其中一道菜餚，同時亦深得慈禧太后所喜愛。 開水白菜嘅雞湯顏色淺白如開水，但味道卻鮮甜無比，令蔬菜更覺香甜。 ^ 山珍炒牛肉眼粒 山珍爽口清甜，無草青味，而且吸收咗牛肉嘅油份更覺可口。 牛肉味濃郁，肉質夠軟滑。兩者可以絕佳嘅配搭。 ^ 蝦餃藕盒拼田園時蔬 蝦餃釀於細薄嘅藕片之中實屬心機及功架嘅表現。 再配以醒胃醬汁進食，更加恰到好處。 ^ 擔擔麵、雞湯麵、特色茶 ^ 糍粑冰粉 2.) 馬來西亞文化節 地址：澳門銀河酒店 － 綠洲宴會廳 好味指數：**** 今趟旅程剛好能夠趕上「澳門銀河」舉行嘅第七屆「馬來西亞美食文化節」尾巴。 有機會品嚐到馬來西亞經典地道美食及十款享負盛名嘅馬來西亞榴槤， 雖然小JM媽唔係「榴槤控」，但就好喜歡食、食、食同食! 每張枱上都附有一包榴槤爆谷喔！ 場內設有榴槤攤檔，可以俾大家即開即嘗十數款享負盛名嘅馬來西亞榴槤。 ^ 榴槤焗龍蝦、十數款馬來西亞榴槤、釀榴槤雞翼拼海南雞飯＋黑叉燒 ^ 即開椰青、榴槤鮑魚煲雞湯、肉骨茶 ^ 上：即烤串燒(雞及牛)、檳城炒粿條 下：烤魷魚圈、魚、蝦 ^ 上：場內設有各式熱盤以供選擇（左：甘香炒蜆；右：叁峇魷魚蝦） 下：（左及中：蠔煎；右：黑人椰漿飯） 食完正餐仲可以睇拉茶表現添。 唔單止咁，席間仲會有榴槤朱古力送上添架！ 3.) 一哥美食 (一哥水蟹粥) 地址：祐漢黑沙環第七街8號C-D舖 好味指數：**** 雖然食咗好多馬來西亞嘅地道美食，但因為太早食飯嘅關係我地決定要去食宵夜！ 今次由美食達人帶路，帶咗我地去食好西！ 當晚我地一行五人叫咗五樣嘢食，我地都清晒枱架！ ^ 水蟹粥 一哥嘅水蟹粥的確鮮甜得多，而且用料新鮮，仲好足料添架。 ^ 椒鹽九肚魚 九肚魚外脆內軟，魚身依然幼滑。真係連骨食埋都仲得呀！ 椒鹽適中惹味，唔會太多而蓋過咗食物本身嘅香味。讚！ ^ 乾炒肉絲麵 麵夠乾身，有少許脆口；肉絲爽嫩夠陣，唔會過火。 ^ 炒通菜 ^ 牛肉腸 牛肉腸同平時食嘅唔同，牛肉餡係小肉塊，更有肉味。 唯一美中不足就係腸粉皮，因為預早整咗焗住，所以腸粉皮略嫌不夠滑。 4.) Goa Nights (果阿之夜) 地址：氹仔舊城區告利雅施利華街地下118號舖 好味指數：**** 學黎天皇話齌係唔可以空肚食早餐嘅！ 所以今日我地決定去揾得獎調酒師幫我地整杯醒神Cocktail， 再慢嘆一下印度菜！ 果阿之夜Goa Nights以印度小食及創意雞尾酒作賣點，而且仲有得獎調酒師即席調酒。 令眼晴及味蕾都極盡滿足享受。 由得獎調酒師Chetan Gangan主理嘅其中四款Cocktails。 上：Cape Verde Island 下：（左起）Lisbon、Mossel Bay、Mozambique 佐酒小食又點少得GOA Night Nachos呢? 比起平常食到嘅Nachos更脆更可口。 小JM媽淺嘗咗其中3款Cocktails： Cape Verde Island： 果味比較重，感覺有啲似香薰。菠蘿脆片聽說係自家制添架。 Mossel Bay： 味道帶微酸嘅Cocktail，酒味稍重。剛好係小JM媽餐前選。 Mozambique： 具藍莓味嘅Cocktail，甜度適中，酒味亦不會太搶 我地分別揀咗幾款頭盤，有沙律、烤餅、炒蜆、烤雞及烤魚。 呢個沙律帶微辣，有青瓜、鷹咀豆、意大利芝士等。味道亦算濃。 烤餅配三款特製醬汁 烤雞及烤魚 兩者相比，會比較推薦烤魚！ 味道雖然辣又係印度式燒烤，但魚肉卻依然鮮辣而且好嫩滑。 主菜部份我地每一都揀咗一款，剛好魚、蝦、豬及雞樣樣都有齊！ 而小JM媽就比較推薦以下幾款： 豬肉包： 麵包夾住印度風味嘅豬肉絲及其他配料， 因為麵包嘅關係，中和咗少少辣味，味道相對無咁辣，亦無咁濃味。 而且肉質依然多汁，唔會鞋。 小JM媽雖然唔食辣，但都忍唔住一食再食！ 印度咖哩魚飯及咖哩鮮蝦飯: 小JM媽首推咖哩魚飯！！ 好多朋友都知小JM媽自從有咗小JM後已經食唔到魚， 但今次來到GOA Night我係食到晒咁多味魚嘅菜餚， 仲要又滑又嫩又多汁！ 值得一推再推！ 5.) 皇家葡萄餚 Tromba Rija 地址：南灣澳門旅遊塔會展娛樂中心地下大堂 好味指數：**** 地點位於澳門旅遊塔之下，而且係露天，位置絕對係最佳嘅觀賞煙花地點， 好啱食住自助餐來睇一年一度嘅煙花節盛事。 唔單止咁，現場仲有Live Band添架! 入場前會先派發手帶以及「龍蝦換領卷」，憑卷可以換取半隻龍蝦架！ 場內有多款美食，不論冷盤、熱盤、小食、甜品等，多不勝數。 你要叫我數，我都未必可以一一數出來！ 不過最有印象就係乳豬仔，我地見住廚師完隻燒好拎出來切，再擺盤架！ 不過講到甜品呢，我就好有印象！你睇幾吸引！ 場內仲有現場即燒即烤嘅生蠔、牛肉、豬肉、扇具及魚添架! 路過。但無試到嘅好味推介： 6.) 倫記軟滑腸粉 地址：沙梨頭沙欄仔街26號泉彩樓地下B號舖 【味美推薦】 蔥花雞蛋腸 7.) Lady M 地址：路氹城金光大道第五至六地段金沙城中心2樓2203B號舖 【味美推薦】 Lady M® 熱情果千層蛋糕 Lady M® 皇家奶茶慕斯蛋糕 Lady M® 海鹽焦糖千層蛋糕 記得記得記得要試【澳門限定】嘅熱情果千層蛋糕呀！ 澳門遊。舊文回顧： 帶著小B去旅行│慳位行裝收納法。玩樂與實用兼備。旅行滑板喼 帶著小B去旅行。澳門。食在澳門 帶著小B去旅行。澳門。百老匯地道文化美食節 小JM愛玩樂。反轉澳門。Planet J 冒險王國初體驗
