上個月媽媽我受重傷(好長篇, 好返晒再講... 差D毁容), 返婆婆度做咗成2個星期廢青, 到臨尾0個日我終於煮返飯比米豬食喇~~ 隻仔唔知做乜日日食飯都世界大戰咁, 明明平時都係南北韓內戰之ma, 可能呷表妹醋啦~ 一見我抱表妹佢就唔肯食, 所以婆婆就叫我煮返平時d野比佢食, 等佢食返多d野(但其實响婆婆度, 佢個口係冇停過ga.....)   既然婆婆開到聲, 睇吓你個雪櫃有咩就煮咩啦~~~ 比我摷到露筍, 粟米芯同瘦肉, 就用你地啦~ 材料: 露筍bb 4條 粟米芯 2條 洋蔥 1/3個 瘦肉 3湯匙   做法: 1. 露筍切粒, 粟米芯1開二後切粒, 洋蔥切碎, 瘦肉用香茅粉醃15分鐘 2. 中細火起鑊, 炒香洋蔥 2. 炒到開始透, 落粟米心一齊炒 3. 炒2-3分鐘度, 落埋露筍 4. 露筍開始變淺色, 就落埋豬肉碎一齊炒 5. 記得又要督住炒, 如果唔係會變咗肉餅 6. 全部加入煲緊啱啱滾ge飯度, 撈勻 , 一煲過煮到米熟就食得 7. 久違了的媽媽飯   駛唔駛拎高隻手咁指呀~ 乖乖地喇~~ 媽媽好返都唔可以講咁多野, 食飯唔好要我勞氣喇   煮食小貼士: 1. 露筍揀翠綠0個d冇咁老, 唔會食到有渣 2. 粟米芯一開二會快d淋 3. 原來香茅粉醃豬肉都好好味~~ 下次買返枝放屋企先~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/