前幾日帶Bella同婆婆去旺角MOKO買野, 順便係嗰度食埋Lunch, 自從由新世紀轉型做MOKO後, 真係多左好多野食同商店, 特號係賣BB野嘅店舖, 真係可以花一整天喺呢到。 最後我地去左翡翠拉麵小籠飽醫肚, 好適合想食中菜嘅婆婆, 又最好食清清地嘅Bella。 原來呢間翡翠拉麵小籠飽新分店, 入面裝潢好雅致, 空間感大, 座位都好舒服, 我地當日刻意避開人潮, 兩點先入座,都見到座無虛席呢, 而且亦被安排坐近大窗邊, 柔和陽光光線照入來非常舒適。 而呢間分店更有一個特別之處, 就係開放式拉麵Bar, 師傅會係你面前用麵團即做拉麵, 真係除左食,仲有得睇拉麵表演。 侍應姨姨拎左張highchair及兒童餐具比Bella後, 仲拎左一盒模型同砌圖玩具比佢, Bella梗係開心到飛起啦, 專心去研究佢D新玩具, 咁我就可以慢慢睇餐牌點餐。 見到餐廳做緊好多信用卡優惠, 下次大棚人再黎食都幾抵, 而佢地最近亦做緊盛夏限定透心涼菜式, 有飲品又有食品, 例如蕃茄蟹肉冷麵,蕃茄魚湯海鮮拉麵, 甜麵醬大丁,芙蓉蟹肉扒冬瓜, 魚乾麻醬拌秋葵,津白肉絲湯年糕等。 我就叫左杯夏日特飲: 檸檬洛神花茶($28)消暑, 婆婆就飲熱檸檬薏米水($18), 至於Bella呢, 我見到餐牌有個好抵食嘅“翡趣兒童餐”, 原價38蚊,而家做緊特價先28蚊炸, 已經包左一碗精裝蔥油拉麵, 胡麻醬青菜,兩隻公仔豆沙飽, 脆皮春卷同一杯豆漿。 Bella第一時間都係拎住個飽, 又想食春卷, 我見佢咁想食都比佢咬一小口啦, 雖然個set佢自己一定食唔哂, 但都有媽媽婆婆幫手share, 婆婆仲超鍾意個蔥油拉麵。 如果3歲以上嘅小朋友, 一定會好enjoy自己都有個餐。 而媽媽亦叫左招牌小籠飽($38)比佢食, 佢自己KO左一隻, 唔使多講都係皮薄餡靚, 基本上每張枱最少都會有一籠。 我地點左兩款冷前菜, 鎮江肴肉($58)同花雕醉雞($72), 兩隻都係Bella媽至愛, 特別係醉雞嘅酒味適中, 又唔會過咸。 之後再來一碟京燒明蝦球($128), 原來係好辣架,食唔到辣要三思, 不過如果似我食得辣, 就真係可以成碟食哂, D蝦超大隻,爽口又好彈牙, 配個辣椒醬汁同炒非常惹味。 另外推介大家必試, 就係蕃茄魚湯海鮮拉麵($85), 佢係翡翠拉麵小籠包盛夏菜色: “夏日蕃茄滋味”之一, 我最鍾意係佢個濃郁蕃茄魚湯, 酸酸地又清甜,完全無腥味, 唔會油唔會咸, 有蝦仁,魚柳,海參, 個拉麵可應該係即叫即拉原因, 亦好爽口彈牙, BELLA都食左一小碗滿。 下次必定會試埋另外嗰款蟹肉蕃茄冷麵! 最後再食埋糖水滋潤下, 係薑茶湯丸($32)同酒釀丸子($32)。 下次一定會帶埋爸爸同公公黎呀! ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 媽媽經 親子日常