懷孕期間真係口味唔同晒. 我係一個鐘意食白汁, 同埋 唔食士多啤利既人,見到士多啤利都驚. 士多啤利味都唔得, 聞到會嘔~ 但係有左BB之後,口味真係唔同左. 有一晚..... 竟然食左幾粒士多啤利!!!! 睇黎小NEMO 係鐘意整古媽媽~~~ (產後我都有試過, 係唔會再食士多啤利的! 咬左一啖頂唔順) 攸豬爸知道我口味唔同晒, 試整紅汁比我食... 呢個蕃茄肉醬意粉係我陀小NEMO 時會勁食既其中一款菜式.  我估小NEMO應該都好鐘意所以我先食到咁多咁開胃. 攸豬爸每次煮都會用唔同方法, 等我唔怕悶... 有時加蛋, 有時加下洋蔥, 首先用熱水滾一下蕃茄, 好快時間咁滾一下, 只是等佢熱左易幫佢脫皮.一斯就會成片脫落. 蕃茄脫皮之後, 就要切條條粒粒. 洋蔥又係切切切. 開獲爆香牛肉碎, 再加蕃茄, 洋蔥, 再落碎芝士. 煮埋個意粉, 意粉多數煮8成熟度. 跟住放入玻璃盤, 再將個肉醬放係面. 面頭再放芝士. (真係勁多芝士呀) 再放入焗爐焗...大功告成... 陀BB時, 咁樣可以食左大半盤呀.... 真係超鐘意食.