早排閒逛facebook 見到台灣王宏哲老師個page, 話白天要食高質量蛋白質, 夜晚就食多d碳水化合物, 所以今日lunch我地嚟個蛋白質套餐~   材料: 白飯魚 1両(約2湯匙) 蛋 1隻 洋蔥 半個 蒜頭 1瓣 肥肥菇 1隻(唔記得佢叫咩名呀~ 响吉之島買一pack有3隻) 調味料: 蒜粉 半茶匙 洋蔥粉 半茶匙   做法: 1. 肥肥菇用濕咗水ge廚紙抹乾淨之後切粒, 洋蔥蒜頭切碎,, 白飯魚沖乾淨水後晾乾水, 用蒜粉同洋蔥粉醃10分鐘 2. 中細火起鑊, 炒香洋蔥蒜蓉 3. 落菇炒到d菇縮水一半以上 <-即係咁 4. 將洋蔥菇菇倒晒落煮緊ge飯度, 撈勻, 繼續煮到飯熟 5. 小小油略炒白飯魚, 等佢出水, 同時响個碗度打定隻蛋 6. 炒完白飯魚推埋一邊, 落蛋 7. 蛋開始成形就炒埋d白飯魚一齊, 變成白飯魚炒蛋 咁又一餐~   米豬又嚟試食喇~ 有最愛ge蛋蛋呀~~~ 曳寶寶吖~ 淨係揀晒d蛋蛋同魚自己食, 飯就要人餵~!!   煮食小貼士: 1. 白飯魚一定要醃一醃, 10-15分鐘已經夠 2. 白飯魚連骨食, 唔止蛋白質豐富, 連鈣質都好充足~ 啱晒每日都快樂成長中ge小朋友 3. 用其他菇都得, 不過婆婆話食得多菇濕, 所以預1-2星期煮1次啦~~ 因為菇菇其實對大腸都好好ga~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/