Tommee Tippee嬰幼兒產品一向多元化，外形可愛之餘亦好切合到小朋友嘅實際需要。今次為大家介紹兩件產品：保冷水杯及夜光安撫奶咀先！ 而家天氣咁熱，想幫小朋友降溫，鼓勵佢哋飲多啲水，一個保冷嘅水杯好緊要架。Tommee Tippee 嘅不銹鋼飲管杯，可以保持水同其他飲品清涼達8個鐘。最方便嘅係杯內有刻度，可以俾爸爸媽媽睇到容量，咁就知道小朋友飲咗幾多啦。 另一樣推介產品，唯B用咗兩年喇，就係夜光安撫奶咀。成日都有人問，究竟好唔好俾安撫奶咀bb呢？有人會話好難戒，亦有人會話bb用咗會瞓得好啲。其實我初時都好掙扎，問過兒科醫生，佢答我只要唔係長期啜住就冇大問題。 我亦認同bb需要一樣可依賴嘅物件去滿足安全感，所以直到今日我都冇強迫唯b戒奶咀，只係隨住佢長大，慢慢幫佢減少對奶咀嘅依賴。佢細個嘅時候試過幾隻牌子嘅奶咀但都唔識啜，只係識用Tommee Tippee嘅奶咀，所以我哋由第二個月開始就係佢哋嘅真實用家喇！奶咀有埋夜光功能，夜晚就唔怕要開燈周圍搵啦。 奶咀同育兒一樣，冇最好只有最適合嘅牌子/方法。媽媽覺得安心，認為係最適合bb嘅方法就係好方法。 想了解更多，可到佢哋嘅網站goo.gl/Qu3bzA及goo.gl/Hp1ayK，或到佢哋嘅Facebook Page：https://www.facebook.com/TommeeTippeeHK/。   如有興趣看更多自理寶寶的育成和BLW的分享，歡迎到我們的Facebook Page：https://www.facebook.com/weplaynlearn/