上次講完BB展第一攻略，今次要找數講埋其他攻略先，等新手媽媽慳返多d時間掃平貨！ 1. 預先登記拎贈品  如果大家有留意，其實好多參展商已經預先讓媽媽們登記，到左預約時間先去排隊拎禮物，當然現場都會有即場派發贈品，不過就要排長隊玩遊戱喇！好似Nutricia今年就會送你一個BB名牌，快d去留言預先登記啦！ 2. 預先購票 買定飛就唔洗去到又浪費時間排隊，即刻可以入場掃貨啦！宜家已經可以買定門票架喇！多種購票方法去文末睇睇啦！ 3. 睇定有咩心水產品 宜家有時間就睇定有咩荀貨平貨要入手，好快比人搶哂架！一去到就買左先！Timtam媽媽都有幾樣心水貨品推介比大家，去圖片睇睇介紹啦！ 4. 新增網上地圖 睇中左想要買嘅產品，但唔知係會場邊到買到？今年荷花新增電子地圖，有齊參展商名稱、攤位號碼，係電子圖睇哂所有位置，記得bookmark定條link喇！ 電子地圖：http://bit.ly/2tqQLhd  5. 係咪一定要買CouponBook？ 我第一次去玩BB展都問過同一問題，因為本coupon book都要幾十蚊架！但係要去各大參展商拎贈品，就一定要買！一件贈品的精美度一定遠超coupon book的價錢，值得入手架！ 6. 係咪要PrintLabel? 好多人話去BB展一定要print 定label，慳返填表時間快快趣拎到贈品！作為全職媽媽的我，屋企又冇printer, 又唔想煩到工作繁忙的老公，所以我一直冇用print label去BB展，其實一路排隊一路填表反而可以消磨下時間！所以就算冇label, 有支筆就夠架喇！ 7. 留意媽媽谷及各媽媽blogger報導 分享就是力量！以我以往經驗所得，好多媽媽都好有心，自動會有個列表更新各大參展箱贈品list ，在各個媽媽谷更新再轉再更新，所以排隊時就記得睇下谷內情況，或自動報告現場情況！大家團結就是力量???????? 其實今年多左一班荷花VIP媽媽blogger， 為大家率先現場報導BB展新貨荀貨，大家當日記得支持一下我呀！ 8. 先拎最想要的禮物 上年試果一本好出名的英文書贈品，好快就派哂，如果你有咩心水贈品或貨品，記得一去到就拎左或買左先喇！ 9. 拎gip或買餸車？ 上年經驗，我係唸住買少少BB野就算，咩車都冇拎，點知去到會場見到贈品咁靚又去排隊拎埋一份，呢度拎果度買，最後要急call老公幫手拎先返到屋企！ 唔想自己拎？原來會場有call GoGo Van 送貨服務，有需要去P34a攤位啦！ 10. 充電器都好重要！ 因為好多贈品優惠，都要like Facebook page 或網上即場登記，又要睇媽媽谷報導，我見過有媽媽話手機冇哂電拎唔到贈品！所以記住要帶充電器！ 等我介紹下冇咩心水好物！                   我將會係8月3號去到BB展會場，如果大家見到我不妨say 個hi，話我知有咩荀野買到啦！到時見???? 重溫BB展攻略一文章： https://www.facebook.com/1524904844208620/posts/1996352820397151/ =========================== 荷花BB博覽資料: 地點: 香港灣仔會議展覽中心 Hall1 及 Hall3BC  展覽廳 (灣仔港鐵站 A5 出口) 日期: 2018 年 8 月 3 日至 6 日 時間: 8月3-5日 (10:00am–9:00pm) 8 月 6 日 (10:00am – 7:30pm) 門票: 成人 $30 / 小童 $20 售票地點: 現場售票                  荷花親子網電子門票            (https://eticket.eugenebaby.com/) 全港荷花親子店 、7-11便利店有售 展覽網址//www.eugenegroup.com.hk/expo/201808/  ======================= Facebook: Timtam仔的成長日誌 =======================