成個7月頭我被工作和家事弄到未有時間打BLOG，搞到欠好多文都未清，上星期五難得可以輕鬆湊女，所以應PR姐姐的邀請去我最想去的The ONE X Salior Moon 美麗傳說展覽，呢個展覽去到9月2日，大家記得唔好錯過呀！ 80後的我在高少時開始睇美少女戰士，那些年花了些錢扭卡，還試過問同學借漫畫睇到俾老爸打到痛，但真心講細個冇咁多機會買美戰的玩具，反而到依家人大咗就好想搵返自己的少女回憶~~~ 在The ONE UG2 中庭的夢想星河主場景，相信係美戰迷必到的地方，全球首度呈現美少女戰士1：1 彩色立體雕像，集合5 位經典美少女戰士包括主角「Super SailorMoon」和她的拍檔黑色小貓「露娜」，以及最好戰友「Sailor Mercury」、「Sailor Mars」、「Sailor Jupiter」以及「Sailor Venus」置身於逾5 米高的夢想星河主場景，打造閃爍星河效果，並配置超巨型立體月亮裝飾及美少女戰士變身器，歡迎粉絲與美少女戰士角色齊齊合照！ 今次我帶咗在大阪環球影城外面的商店買的權杖和昕昕一齊影相，陀昕昕的日子因為悶在家中，我成日睇美戰動畫，昕昕其實在我肚裡面已經被胎教:P 聖杯是Sailor Moon 變成Super Sailor Moon 的變身器。見到咁大個的聖杯真係忍不住走去影相留念~~~ 禮服幪面俠以最有型的經典禮服造型現身，亦同時守護巨型「新月棒」。現場更以玫瑰花佈置成庭園場景，我成日都想有個好似月野兔咁有個高大而又瘦的情人來保護自己，可以跟禮服幪面俠影相，簡直發夢都估唔到~~~ 我記得有一輯禮服幪面俠係極少出現，因為地場衛出國後發生意外，月野兔遇上流行歌手星野三兄弟，其中一集成班主角在月野兔家中發生的趣事，真的令人捧腹大笑~~~ Sailor Chibi Moon 小兔於夢中相遇的獨角馬，如果大家有睇過都知道獨角馬的真身其實係一位好靚仔的王子，諗起果輯佢經常召喚獨角馬幫助打敗敵人，只可惜只出現一輯~~~ Sailor Moon 月影時光‧互動遊戲，完成簡單的遊戲步驟，開啓傳說中的時間之門，掀開月光幻影之旅，更可即場拍照留念。 我發現原來選了圖中有黑色的人物那幅圖就會出現那一位卡通主角，配對遊戲好簡單，昕昕都玩埋一份~~~ 華麗星光傳說‧互動遊戲，完成簡單的遊戲步驟，跟隨音樂旋律走進外太陽的神秘國度，成功召喚「天王遙」及「海王美智留」的華麗神器，即可贏取「The ONE x Sailor Moon 期間限定店」95 折購物券乙張。 萌爆的Q 版立體倩尼迪公主及安狄美奧王子，於The ONE 地下露天廣場歡迎大家，並展示他們的訂情信物星空音樂盒，分享他們的浪漫愛情故事！喜歡月野兔的我當然要跟倩尼迪公主影返張靚相啦！ 在傳媒預覽當日更有機會見到美戰產品收藏家展出的部份形藏~~~ 於L2 特設The ONE x Sailor Moon 期間限定店，發售一系列美少女戰士限定商品，包括 最新獨家行李箱、旅行用品、保鮮花、咕????及文具系列等等。而我就睇中咗暖水壺，待我買到之後有機會跟大家分享=] 當晚和昕昕好想到點心代表堂食，怎料要等一小時，所以我決定買外賣，原來外賣流沙飽係要自己屋企蒸，等一杯飲品外賣都至少10分鐘，如果大家去The One可以先拎籌，影完相去返間點心店應該剛剛好~~~ 見到張餐紙就好期待找天去享受~~~ 全新The ONE 手機 APP 已經正式登場，大家除了透過 APP 內獲取 The ONE 最新活動推廣 資訊外，於活動期間更可透過The ONE 手機APP 參與「月之搜尋」遊戲，考驗你的靈敏度， 5 位美少女戰士將隱藏於The ONE 不同樓層，大家憑The ONE 手機APP 於場內齊集5 位戰 士，即有機會贏取「The ONE x Sailor Moon 限定版擦拭貼」乙份。 限定消費禮遇 日期：7 月21 日至換完即止 時間：中午12 時至晚上10 時 (逾時無效) 地點：L2 禮品換領處 方法：The ONE Club 會員於場內任何商戶以電子貨Sailor Moon 雨傘套裝幣即日消費滿HK$1,200* (共900 份)或憑4,000 積分+(共100 份)，即可免費換The ONE x Sailor Moon夏日沙灘漏沙墊乙份。 方法：The ONE Club 會員於場內任何商戶以電子貨幣即日消費滿HK$1,500* (共900 份) 或憑6,000 積分+(共100 份)，即可免費換The ONE x Sailor Moon雨傘套裝乙份。 (每日數量有限，先到先得，換完即止) 我就分享少少我的收藏俾大家欣賞吓先~~~ 以下是我們的FACEBOOK專頁連結，裡面會有一些昕昕的生活照片和不同資訊分享^^ 小玉雜記 生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=W= 我的網誌~~~ Google blog theztyle blog Mybb.com blog Bkmilk blog She blog (New) She blog (Old) Elle Blog WOW Blog WeShare 媽咪幫mamibuy U Blog 我的飲食分享： 如有任何Blogger活動邀請或試用，可以聯絡我的電郵： mandylau55@gmail.com
