作為一個多職媽媽,我成日都覺得唔夠時間... 不過,點唔夠時間都好,我都會好努力為蠔豉妹妹準備食物! 以前就餵人奶,到妹妹宜家1歲,我都一樣最care佢食野嗰part! 由佢9個月大開始,除左奶、奶糊外,我都開始準備一啲無咁流質嘅食品俾佢,今日就分享一下我呢個 無技巧可言嘅懶媽媽食譜啦! 首先,要有一部食物蒸煮攪拌機!我揀嘅依一部係4合1嘅,有蒸煮、攪拌、解凍、加熱功能~由於BB仲細,蒸當然就係最適合BB既主要煮法,有左呢部4合1嬰兒食品處理器,根本只係切好材料放入去蒸,之後打碎就KO! 有時我懶到爆,就係切好薯仔同雞肉~ 加涷滾水到20mins嘅位,再將全部食材放入機到,蒸20mins就搞掂~ 完成後只要調轉樽身就可以攪拌!野都唔洗再洗~~ 搞幾耐就可以視乎番小朋友嘅月齡/歲數,配合番佢地嘅需要~ 雖然無技巧可言,不過蠔豉妹妹一樣好俾面,食晒~~ 呢部機容量有1,000毫升,可以一次過預備多餐份量,不過因為太方 便,餐餐整其實都無所謂~~ 有時蒸到悶或者有時間,會整下煎餅俾妹妹食下,大人都一樣可以食~ 材料一樣好簡單!只係南瓜、麵粉、蛋黃就ok~ (1歲以上嘅BB就可以試下全蛋~) 先蒸南瓜,大概15分鐘就ok~ 之後又係調轉個樽身,攪拌幾下~ 將南瓜蓉、麵粉、蛋黃攪勻就可以煎啦~ 煎時唔洗落油~ 南瓜pancake就搞掂!大人、BB都可以一齊食~ (之前我仲有整過香蕉pancake~蠔豉妹妹一樣鐘意~) 雖然多職媽媽好忙,不過我已經好幸福,有媽媽、工人姐姐幫手處理家務,所以妹妹嘅膳食,就算幾懶都要自己整~~ 我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活 Facebook : 80後的人妻「旅」友 Instagram : https://www.instagram.com/wingring 合作/邀稿 : wingring417@gmail.com / wingring@ymail.com