想喺香港玩水上樂園不是夢啦!! 白石燒烤嘅充氣水上樂園又再渡回歸啦，上年我哋都有帶和牛B嚟，今年都唔例外。 今年仲有B.Duck坐陣，場內設有9條充氣滑水梯、充氣水池5個仲有大船池!! 玩完水，過埋隔離BBQ，揀直係絕配呀!!       一入到燒烤場就有數隻大B.Duck俾大家影相~ ^ 浴缸入面擺放咗好多波波同埋鴨仔~ 拎住換領券、換好泳衣，就可以去馬上換領手帶準備入場!   換領入場手帶旁邊有一個大船池，建議先玩咗船仔再落去玩水。因為玩船仔唔洗濕身，如果玩完水泳衣濕咗先玩船仔，就會擔心會冷親呢~ 大船池 大人細路都玩得嘅船仔，船仔都有分大人同細路版。 個池可以容納大概5-6艘船仔，你睇和牛B幾開心。 玩完船仔，馬上衝去玩滑梯啦~~ 而水上樂園係分咗4節時段。當日出發前有狂風雷暴，第一節取消咗，好好彩我哋本身係Book咗第二節玩水時間，去到無取消同埋只係天陰陰，但無落雨，所以人流唔算好多。 ^ 除咗鞋/ 拖鞋，放好就可以馬上入場~ 充氣滑水梯 有適位小朋友玩嘅充氣滑梯組、亦有適合鍾意刺激嘅你玩嘅滑梯組~ ^ 呢邊嘅充氣滑梯係超刺激呀，快啲嚟挑戰下~ 充氣水池配上波波，真係好童趣，好可愛呢。 適合幼兒玩嘅滑梯~唔玩水都仲有滑梯玩。 和牛B契媽們親身上陣，演出水花四濺嘅一幕，我喺池邊都感受得到o個種刺激同衝力呀~~(濕晒) 大水池 水池入面都放咗唔少嘅彩色波波入去，仲有水抱，灑水設施。       大家會問，點解池水黃色嘅? 其實係因為充氣設施底色係黃色或者其他顏色，所以睇起上嚟黃金金。 好多鴨仔同波波呀~~~~ 另一個大上池，仲有兩條大蕉，可以坐上去玩~~ 仲有大水抱，可以坐入去玩~~船仔一樣呀~   大家最擔心嘅一定係水質問題，我哋當日去水質好清，同埋池水都係有消毒水。 因為入場之前，都需要經過水池，沖乾淨雙腳入場。 所以，我哋都玩得好放心呀。   入場嘅時候，記得帶定毛巾俾小朋友披住呀。仲有就係玩完水之後，記得即刻幫小朋友披返毛巾呀。   ^ 一上水，記得披返條毛巾，唔好冷親呀~和牛B化身小小獨角獸~   玩完水之後，都開始覺得餓啦。 所以馬上去咗旁邊嘆住海風望住海景咁BBQ大餐~仲要我哋玩完水就落大雨啦… ^ 超多嘢食，仲有扇貝、海蝦同埋青口。 我鍾意去白石燒烤，因為佢哋空間好夠，爐與爐之間有足夠空間，仲有地方俾小朋友放電。 除咗燒烤套餐之外，仲可以額外再加其他食物。 士多仲有小玩具買，仲有飲品、雪糕等。 B.Duck浴室派對Pop-Up Store，大部份商品都有折扣優惠。 即讚好(Like)「Hills360」Facebook專頁，即送你一把B.Duck扇。 把扇係雙面o架~超可愛呀~ 場內仲有扭蛋機、小朋友最愛嘅氣墊球對戰，每局$10。 有小朋友最愛嘅遊戲，當然都有大人玩嘅飛鏢啦，每局$5。 場內戶外部份，可以俾小朋友玩球類活動、吹泡泡，仲有唔少影相呃Like位。   場內設施 更衣室 今年白石燒烤比起上年所有設施、配套安排得更完善。 有一排獨立更衣室 (大概有5間)   沖身區 另有兩處沖身設施，仲有提供沖涼液，真係超窩心!!   ^ 場內提供沖涼液，真係超窩心!! 儲物櫃 今年儲物櫃比起往來做得更好，同樣儲物櫃都係需要租用。但今年嘅儲物櫃係自己放好物品鎖好，往年係放入一個膠籃交俾工作人員代為儲存。 租一格儲物櫃按金$200，$20/小時   育嬰室 燒烤場仲有育嬰室，真係好少見，所以我覺得呢到好貼心，照顧好周到。     夏天約齊一大班人去水上樂園玩再加埋BBQ，小朋友真係會樂而忘返。 和牛B玩完之後，仲不停同爸爸講，要再去多次。 活動日期：6月16日至9月9日 7月7日－7月8日 （星期六、日） 7月14日－7月15日 （星期六、日） 7月21日－ 7月22日 （星期六、日） 7月27日－ 7月29日 （星期五至日） 8月4日－8月5日 （星期六、日） 8月10日－8月12日（星期五至日） 8月18日－8月19日（星期六、日） 8月25日－8月26日（星期六，日） 8月31日－9月2日（星期五至日） 9月8日 － 9月9日 （星期六，日）  收費。每節票價 (大小同價) : ＜星期五＞ 16:30-18:30： $160 19:00-21:00： $160 ＜星期六，日和公眾假期＞ 11:00-13:00： $200 13:30-15:30： $200 16:00-18:00： $260 18:30-20:30： $200  全日票：$460  【白石燒烤8折 大優惠】 - 所有套餐8折 - 平日開爐費全免 - 星期六、日和公眾假期, 開爐費半價 - 會員優惠更可享折上折優惠。 馬上訂飛>>> 白石燒烤 Whitehead Barbecue 電話: 2744 8188 (沈先生) 電郵: dee.shum@whiteheadbbq.hk 網址: www.whiteheadbbq.hk 地址：馬鞍山白石1950號   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。