一年容易又暑假, 上年第一次帶QB到小欖充氣水上樂園, 只有2歲未夠既佢已經玩得好開心. 話咁快又一年啦, 今年我地再次參加小欖既沙灘派對B.Duck充氣水上樂園, 就快三歲人仔既佢, 知道可以攞正牌玩水都開心到晏覺都唔捨得訓. ​ 今年破天荒同B.Duck crossover, 充氣水上樂園分別於白石燒烤和小欖燒烤樂園舉行. 場內有部份裝置都有B.Duck的圖案, 色彩繽紛可愛, 好有夏日氣氛呀. 這隻4米高的B.Duck巨型充氣公仔絕對係打卡熱點. ​​連Locker都有B. Duck 公仔, 好可愛呀. ​​ 換上泳衣既QB已經好心急想落水, 心情興奮, 自動擺甫士比我影相啦. ​​ 有過上年既經驗, 大約都知道小欖水上樂園既設計, 分了兩邊, 分別都設有8條不同高度的滑水梯和各個大型波波水池等 ​​ 滑水梯也印有B.Duck 圖案, 小朋友玩得更開心 ​​ ​​ 有幾個七彩波波池, 影相好靚架, 又有自動灑水和浮床, 年紀小一點或唔敢玩滑水梯的小朋友最岩玩. ​​ ​​ ​​ 膽小的QB唔敢玩滑水梯, 依條吹氣步道係佢唯一敢玩的, 但都行得好斯文, 好小心咁落水, 認真搞笑. ​ 另一邊特設了一個放滿數百隻B Duck浮水鴨的水池，十足十一個巨型大浴池, 同時與數百隻B DUCK於水池暢玩, 加上水比較淺, 岩晒年紀小的BB. ​ 一隻隻小黃鴨浮係水面, 好壯觀又可愛呀 ​ 池內擺放左兩條小型滑梯, QB只夠膽玩這個呀XD ​ 龍友媽負責做攝影師, 每年在小欖充氣樂園都影到好多靚相呀. ​ 一向超鐘意玩水既QB, 帶着兩個充氣手袖, 已經夠膽自己浮水, 看來學識游水都旨日可待. ​ 好嘆呀~~ ​ 又o靚模上身... ​ 大池一邊還有香蕉船可以玩 ​ ​ 充氣裝置設有濾水裝置, 期間亦會不停注入新水，確保衛生; 而工作人員也會不停灑水為充氣水降温, 可以好安心比小朋友玩. ​ ​ 充氣水上樂園每個時段2小時, 收費為:  星期六，日和公眾假期~ 11:00-13:00: $160 13:30-15:30: $160 16:00-18:00: $210 18:30-20:30: $160 全日票: $390 星期五~ 16:30-18:30:$128 19:00-21:00:$128 (1米以下小童免費進場) ​ 每逢8, 18, 28日凌晨12時正開始搶購，會有早鳥8折優惠，可以8折優惠購買指定時段門票，每人限購5張，售完即止. ​ 另外, 每場都設有擲水蛋遊戲, 把裝滿水的汽球拋到對面一方, 濕身又刺激. QB好投入擲....晒落地XDD ​ 現場設有B Duck 水上用品限定店 , 有首批全新兒童游泳服裝和各款B Duck浮水用品開售. B Duck迷不容錯過呀~ ​ Like Facebook還有免費B.Duck扇送呢~ ​ 玩足兩個鐘, 盡興之餘還有下場, 就是到隔離既燒烤場吹住海風BBQ啦. 趁黃昏夕陽走到燒烤場旁的沙灘玩玩先.. ​ 吹住海風十分舒服, 這裡的景色也很優美. ​ 看QB女神多飄逸. ​ 小欖燒烤樂園我細細個已經聽過, 佔地大, 景觀開揚, 排列整潔, 即使炎夏BBQ也有清風送爽, 不會太熱, 十分舒適. ​ 食物一如以往應有盡有, 腸仔, 丸類, 肉類都有好多款選擇, 雞翼的口味也十分多呢. ​ 今次相約QB的表姐一齊來玩, 家庭聚會以外也是第一次一齊去BBQ, 幾個小朋友玩得開心, 大人又食得開懷, 週末應該這樣過~ ​ 小欖燒烤樂園收費: 全日任燒星期一至五: 會員價$88/位 開爐費 $30 星期六日及公眾假期: 會員價$108/位 開爐費 $40 ​ 趁暑假快D帶埋小朋友, 約埋朋友仔黎玩水再BBQ直落啦~ 影片分享:  小欖燒烤樂園 地址: 屯門青山公路小欖段 DD384 LOT253(鄰近水警宿舍) 電話: 2459 9928 網址: www.bbqbeach.com.hk 合作邀稿, 文章內容全屬真實分享及個人意見, 只供參考之用~ 聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤The Ztyle❤ ❤She.com❤ ❤Beauty Exchange❤ ❤weshare❤ ❤ULifestyle❤ ❤博勢力❤ ❤esdlife❤ ❤Pixnet❤ ❤mamibuy❤ ❤ubaby❤ ❤Oh!爸媽❤ ❤ 親子日常❤ ❤chef-diary❤ ❤OpenRice❤