成家一齊病咗2星期, 好返梗係要去hea吓啦~~ 媽媽冇SL ga ma...... 病咗都要做ga 5月參加mameshare母親節抽獎, 抽中咗個 帝恩養生館岩盤浴~ 係時候拎張coupon出來嘆返吓~~~ 有2間分店, 一間响九龍, 另一間响銅鑼灣time square對面, 梗係揀銅鑼灣啦~~ 一出lift就到reception~~~  店員同我對咗預約資料之後, 就拎咗對拖鞋比我換~ 然後就問我有冇化粧, 因為最好落咗粧先做岩盤浴呀~ 有需要可以沖埋個靚涼tim呀~~~  落咗粧之後, 佢地就帶咗我入房講解吓有關岩盤浴ge資料 岩盤浴係日本江戶時期開始流行, 因為佢地發現d動物受傷之後會自己走去d溫泉附近ge岩石度攤抖療傷, 日本人就有樣學樣齊齊攤, 點知攤完個人精神咗, 又健康咗wo~ 佢地就傳開去, 個個都埋嚟睇埋嚟攤吓囉~~ 除咗對健康好, 仲可以減肥啦~ 因為訓响d熱石度成40分鐘, 體內溫度都會提升1度, 促進咗新陳代謝~ 仲可以提升免疫力(恐怖醫學講ga~!) 而且仲可以幫內臟ge毒素透過汗水排出~ 唔單止咁呀~ 熱石會釋放出負離子, 可以美容ga~   聽完講解同睇完資料就填表, 寫返自己身高, 年齡, 有冇咩疾病咁(心臟病,做完手術後傷口未埋, 飲醉酒同大肚都唔做得ga), 之後就帶咗我出去磅重, 仲測埋脂肪同埋身體水份比例........ 好驚呢.... 其實產前檢查之後都冇上過磅/(@ﾟﾍﾟ@) 磅完就可以返房換衫喇~~ 有埋個鐘仔~ 有咩事按鐘就有職員入嚟幫手~   換完衫, 房入面呢條隧道就係岩盤浴喇~~~ 我一路換衫一路諗我一陣點捐入去...... 換完衫gum個鐘, 店員就入嚟幫我手喇~~  wow~~ 原來係可以咁樣打開ga~~~ 毛巾下面舖滿晒熱石~~  首先趴响度訓十分鐘, 然後左側訓十分鐘, 右側訓十分鐘, 最後平躺訓十分鐘, 就完成咗呢次岩盤浴試做喇~  平躺時會敷埋呢個mask~ (我selfie完send比我老公, 之後我收到粗口XDDDDD 又真係幾驚嚇ge~~)   其實梗係趴响度0個十分鐘, 我已經不停咁爆汗, 店員拎比我飲0個杯水都比我飲到7788, 每次佢入嚟叫我轉身都要麻煩佢幫我斟水 (真係唔好意思我係一個麻煩ge客人) 完成咗40分鐘岩盤浴之後, 我feel到自己係出咗一年份量ge汗!!!! 好癲呀~~~~~~~~~~~~~~~~ 但係呢~ 個人係一d都唔立同埋唔臭ga~!! 呢樣堅神奇~!! (事關我响地鐵站行上來都已經出汗到自己feel到臭臭的) 店員話因為呢d唔係日常運動出汗, 係內臟排毒, 所以同平時d汗唔同, 係唔會臭臭ga~~~ 而且最後D汗係精華, 千祈唔好即刻沖涼, 抹乾身就ok了~~ 想沖涼要隔返3個鐘先好沖呀~~~    絕秘公開吓呢日ge身體狀況啦~~ 其實係比我預期中好ge~~~ 冇爆BMI, 係脂肪比例高咗d(係囉跟住我落咗樓又食咗杯雪糕, 而家又食住薯片打blog, 明ge....) 但竟然好surprise地話我係冇水腫呀~~~~~~~~~~~~~ 不過就建議我做多d運動, build up返d肌肉囉~~~ well~ 我會搵時間做吓~~   對於平時多數去按摩嚟relax ge我嚟講, 岩盤浴係一個全新ge體驗~ 都幾好玩呀~~ 最正係可以一路做一路同d fd whatsapp吖ma~~ 按摩邊得啫XD   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/