好返晒喇, 要食好味野呀!!! 病緊0個期(講緊我同米豬都病埋一份) 餐餐都暗黑料理咁....... 好返要煮返D好西比米豬食先得~!!   依然腰痛揹唔到米豬去街市, 唯有落apita買餸啦~~ 今日d露筍好靚~~ 就煮露筍啦~~~   材料: 露筍 4條(粗) 洋蔥 半個 蒜頭 1瓣 牛胸腹肉 3片 調味: 蒜粉 1/4茶匙 洋蔥粉 1/4茶匙 lemon pepper 鄧5吓 <-購自iherb, organic無添加~   做法: 1. 露筍刨皮後打直一開4切粒 2. 洋蔥, 蒜頭切碎, 牛胸腹片切粒, 用蒜粉洋蔥粉醃5-10分鐘 3. 中細火落油起鑊, 炒香洋蔥同蒜蓉 4. 洋蔥開始透透地, 就落露筍粒一齊炒 5. 炒到露筍粒開始淋, 撥埋一邊, 落牛肉略煎 <-因為懶........ 其實可以不起咗d菜先ge~ 不過之後都係落返d菜落煎牛個鑊度索味, 所以我選擇咗移過小小個鑊٩(•౪•٩)   6. 煎到8成熟就可以推返d菜過去一齊炒勻, 同時間鄧5吓lemon pepper落去調味 7. 炒好晒之後隔離煲飯應該差唔多收水, 就可以倒晒d餸落去撈勻佢, 再繼續煮到飯熟為止 8. 食得~~ 預多咗小小水, 今餐食淋d啦米豬ヾ(๑’౪`๑)ﾉﾞ   米豬試食時間~ 病病完之後完全唔記得晒點不飯, 又落手食....又要重新教過`(๑ △ ๑)`* 不過算啦, 終於今星期可以食得返一碗飯, 餵就餵啦~ 媽媽你比心機煮比我食喇~   煮食小貼士: 1. 洋蔥真係好重要~!! 早排我覺得每日半個洋蔥, 日日都洋蔥好似太多, 就停咗冇比, 點知即病!!!! 唔理喇~! 繼續洋蔥做膽啦~!! 2. 露筍含有豐富ge維他命A, B1, B2, 仲有葉酸幫助腦仔發展~~ 食多d都唔怕啊~ 3. 牛牛有豐富鐵質同蛋白質, 病病完ge小朋友食返多d就啱喇~ 要長返d肉呀~~~ 病咗2個星期個肚腩扁晒呀陰公..........   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/