大家好，我今年一歲。 這是我的媽媽年齡，由十月懷胎到現在，我就好似一個剛出生嘅小孩一樣，什麼都不懂！滿腦子都是為什麼？唔舒服會哭會鬧情緒。 雖然，我係一個在職媽媽，陪伴bb嘅時間唔多⋯但我都好努力去學習做一個好媽媽。我想同大家分享嘅係：我曾經反叛過（釘臍環，紋身，好勝害自己傷十字韌帶）身體上留下不少記號（瘡疤）但都比不起剖腹產所留下嘅疤痕大⋯ 我係懷孕到bb出生，所經歷嘅一切都同時改變著我下半生！相信，好多媽媽都會認同。舉個例說：「過去的我26年都總是懶床，但如今我唔會！因為bb每一次哭，都代表佢需要我。」 「如今我對別人嘅忠告，不再左耳入右耳出，因為我真係什麼都不懂。」 「現在，我學懂去珍惜身邊每一個人，因為佢地都係以唔同方式去看護住我同bb」 「曾經有幻想過做一個歌手/做一位警察嘅我⋯依家，可以一拼用哂係個仔身上⋯氹bb訓，無論你歌聲動聽與否，你個bb都總是你個忠實聽眾。帶bb出街無論有咩事發生，你都一定會儘所能去保護佢！生一個B,簡直係滿足你兩個願望！」 P.S. 我打咧一篇文章，我想同各位新手媽媽互勵互勉，其實我地都係同路人。要好好咁，努力同bb一齊共同成長！無論面對咩問題都好，都有解決嘅方法：） *要記住：你想做一件事，你會諗到一個方法；你唔想做一件事，你會諗到無限個藉口！ 共勉之