蠔豉妹妹就快1歲啦! 我呢個多多搞作既媽媽緊係唔放過呢個機會~~ 又有借口去影下family photo! 本身想去影cake smash,不過睇左幾間後發現都差唔多... 一個係淘寶都淘到那background,再加個cake咁... 我老公一見到已經話我影都得,洗乜出去影... 就係呢個時候,我去朋友bb百日宴時識左個攝影師! 佢好有heart~仲提議不如我自己book studio影~ 仲要book studio同攝影師,2小時既價錢都只係千頭~~ 比起就算團購$7xx但影得45分鐘更平! 當然,平唔係重點!重點係要靚 :p 可能你會話影2個鐘咁耐,蠔豉妹妹都無耐性... 但因為蠔豉妹妹都比較慢熱,一開頭都用左10-15分鐘去熟悉一下環境先影~ 之後影一陣又換下片、換下衫、食下餅、飲下水~ 如果你得45分鐘,大人一定不自覺咁迫小朋友專注咁影... 但因為我book左2個鐘,乜都可以慢慢黎 :p Book studio時攝影師叫我搵下reference,之後我搵左一堆都係逆光既相,所以攝影師就介紹左幾間studio!(我既台北孕照都係行呢種風格~) 其實佢仲有啲專影Family photo既studio房,不過我就係唔想又浴缸、又露營咁同其他攝影師大同小異,所以我堅決要一間影pre-wedding既逆光房~ 出黎既效果就正正係我想要既野! 當然我地都襯晒dress code~藍x白 德國波衫 橫間條(連包檸檬茶都係橫間!) 和服 所有相片攝影師都會微調左光同色tone俾我,我就無要求修圖,所以我都唔知修圖洗唔洗加錢 :p 不過原圖我都好滿意,下年2歲時應該都會再影多攝,book另一個studio玩下,希望到時攝影師唔好加價啦! :) 我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活 Facebook : 80後的人妻「旅」友 Instagram : https://www.instagram.com/wingring 合作/邀稿 : wingring417@gmail.com / wingring@ymail.com