如果BB食厭白汁或高湯煮嘅粉飯， 咁試下用原隻南瓜去焗， 也是一個新嘗試新口味。 雖說是焗，但無需焗爐， 其實都係蒸而已，既簡單又健康。 今次用左大粒星星粉， 如果細B可以用迷你嘅粉或飯， 材料再切細，那10M+BB都可以食。   《原隻BB南瓜焗芝士三文魚彩星粉》   材料： BB南瓜仔 三文魚 洋蔥及西蘭花 芝士 彩星粉 （份量可以因應南瓜仔大少而預計）   南瓜仔手掌大。   彩星粉，色素是出自天然食材， 零納的，我貪佢靚，而且Bella又喜歡食粉。   彩星粉先煮熟備用。   另外分別把材料切碎。   三文魚：我把它切粒， 如果是細B可以乾脆原片放入南瓜， 進食前媽媽把魚壓碎!   芝士切碎。 今次用的是Mozzarella cheese， 因為有芝士， 所以整個粉都無需再鹽都好夠味。 如果想知點揀芝士比BB， 可以睇呢到：https://goo.gl/y5eGce   西蘭花及洋蔥切碎。   南瓜仔切去頂部3/4寸左右， 落刀最好一下過，否則邊緣唔靚。   用鐵匙刮走入面瓜囊。     然後再刮出邊緣的南瓜肉。     把南瓜肉切碎， 喜歡的更可以加好少水，blend成細密的蓉。     把材料與煮熟的彩星粉混合。   加入南瓜碎，西蘭花及洋蔥碎。     再加入三文魚粒，及芝士碎。     輕攪拌勻，再放入南瓜仔內。     蓋上南瓜頂蓋，用一張錫紙包裹整個南瓜。     水滾後，大火隔水蒸20分鐘， 再轉細火蒸10分鐘，即成。   打開後可再隨意拌勻， 同時也可以再刮出更多南瓜肉。   由於是整個密封式蒸焗， 所以所以材料都較平時水煮鑊炒的更原汁原味， 芝士咸香配南瓜的甜，星星粉吸哂D味， 又是另一種煮粉的好方法。   因為Bella好比面，所以個粉已做了第二次， 第一次我放入碗中比佢食， 第二次原隻南瓜上， 發覺簡直係一隻好穩陣嘅防漏碗????           下次會做自製香菇高湯及BB版茶漬飯, 記得留意我哋FACEBOOK更新喇~~   ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY 媽媽經  親子日常