回想以前和牛B半歲、1歲生日我哋都係喺Party Room到搞。 過咗兩、三年,而家開多咗好多,啱嬰、幼兒玩嘅Party Room。 今次就同大家分享一個好好玩、又安全、乾淨仲好有誠意嘅工廈Party Room - The Playground場地俾大家。 The Playground位於九龍區嘅新蒲崗,都係熱門嘅Party Room集中地。 一入門口就已經望到最入面有個七彩彩虹波波池啦!! 場內仲一直播放兒歌,令到媽媽到覺得好舒服,好童真,氣氛超好呀! 聽住聽開嘅兒歌玩,和牛B玩都玩得特別投入呀。 Party Room入面嘅佈置已經好有童趣、好有氣氛。如果嚟搞生日會,絕對唔需要再花錢佈置就已經好有氣氛。 重點係,牆上Backdrop嘅Happy Birthday字牌,係由老闆娘一手一腳自己做o架!! 真係好有心思,仲好靚添呀!! 而每一個角落都可以玩,而每一處(地下、牆壁)都有保護軟墊,確保小朋友免受傷害。 而遊戲方面,有動有靜,玩嘅遊戲設施、玩具亦適合半歲BB至6歲小童。 先講動態遊戲,有Little Tikes滑梯韆鞦、搖搖板、波波池、車車、Bruna Bonbon Miffy等。 ^ 玩完滑梯,再玩韆鞦,和牛B玩得超開心呀! Party Room又點少得玩車車丫,重點係媽媽見到小公主最愛!! 就係粉紅色公主馬車呀,小公主仲唔趕快上車~~ 小公主可以自己用雙腳行走令馬車郁動,亦可以搵個馬伕幫手拉車~ 扮完公主,係時候要返回現實啦~~~ 仲可以同朋友一齊玩搖搖板~ Bruna Bonbon Miffy,和牛媽媽超鍾意兔仔!!所以見到Bonbon Miffy真係好興奮好開心呀!! 終於可以同Peppa一齊跳泥氹啦~~ 而The Playground最好玩嘅,當然係就係彩色波波池啦!牆身仲有好可愛嘅卡通動畫背景,超可愛呀! 滑梯 x 波波池,係絕配呀! 靜態遊戲亦好好玩,有Hape木製廚房、Lego Duplo牆、彩色積木等。 Lego Duplo牆七彩繽紛,小朋友一定會超鍾意! ^Hello 豬爺爺~ ^和牛B超專心地砌梗~ 嚟到媽媽、寶寶最愛嘅廚房玩具!!!! 媽媽內心不停尖叫中,因為啲玩具食材超真實!! 廚房仲有抽油煙機、焗爐每個位都做得好仔細!! ^ 老闆超細心,就連玩具尖角部份都超上保護膠,以免小朋友意外受傷。(讚) ^ 兩位小朋友專心地「扮」煮嘢食,仲分工合作添! 另外,木櫃仲有唔少嬰幼兒玩具玩。 玩具都好齊全,照顧到每一個年齡層嘅需要。 仲有彩色嘅海棉積木,發揮小朋友嘅創意。 仲有超可愛嘅Jumbo記憶麵包野餐區~~變大咗好多嘅食物咕臣~ 學英文一流嘅磁石牆~與寶寶互動嘅好玩遊戲區。 介紹完所有遊玩設施,而家就要介紹場內設施了。 場內設有獨立洗手間、育嬰室。 以Party Room嚟講,The Playground嘅育嬰室真心大同埋舒服、設施都好齊全。 有獨立換片台,仲有提供濕紙巾、棄置尿片專用垃圾桶等設施。 如果需要餵奶,仲有舒適嘅Sofa。 Open area位置,仲有飲品櫃,重點係有冷、熱飲品提供。 如果係防婦/ 母乳媽媽對於提供嘅紙包飲品唔啱飲嘅話場內仲有提供冷、熱水機。 熱水仲可以座暖人奶或開奶粉,真係超級貼心呀。 門口位置,有矮櫈方便著鞋以及鞋櫃。 收費 人數 10人* 15人 20人 25人 30人 飲品 10包 15包 20包 25包 30包 包場費用 $1,380 $1,980 $2,680 $3,380 $3,880 其後每位收費 $138 $136 $132 $130 $128 *只適用於星期一至五。 **5歲以下免費 而暑假時間,仲有親子工作坊、例如沙畫班、音樂workshop以及playgroup添呀~ 【讀者優惠: 派對包場9折優惠】 優惠碼: WagyuB 「Like」 & 「Check in」 The Playground Facebook 專頁,仲可免費升級至冷熱飲品任飲。 *The Playground保留最終決定權 The Playground@新蒲崗 地址:九龍新蒲崗大有街 32號泰力工業中心8樓10室 電話:6336 9229/ 6342 3422 https://www.facebook.com/theplayground.com.hk/ http://www.theplayground.com.hk/ -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。