每年6月14日係世界捐血日，紅十字會每年在附近日子會為表揚捐血次數有25次或其倍數的人士舉行頒獎典禮。   上星期日好開心可以獲邀參與香港紅十字會的週年捐血頒獎典禮 2018，由沙士果年到依家唔講唔覺已經15年，中間的日子因為生昕昕和餵人奶而停咗三年，扣埋讀書日子忙到隔好耐先捐一次的情況下，今年終於捐咗第26次血。     當日我好衰咁唔返幼童軍集會，去咗九展出席頒獎典禮，讓自己大開眼界~~~     其實另一個原因係影相打卡，在會場遇到office同事，仲遇到曾經一起參加女童軍的中學師姐，原來我身邊倒有些認識的人都係咁熱血(^_-)     當日的頒獎典禮主要聽台上的嘉賓分享，我和陪伴出席的好友聽到關於克隆氏症康復者的分享時不禁嚇一跳，如果對方沒有人捐的血，相信不會咁快好返，前後接受過百包血，大家肯定難以置信~~~     會場有些儀器介紹~~~     還有令我覺得吸引係呢個畫畫的攤位~~~     畫畫的時間被繪畫的姐姐叫我放鬆表情，看到呢幅畫覺得不錯，唔知大家覺得似唔似我呢？     果度有個攤位問返自己第一次捐血的心情，對我來講捐血係好開心的事，中學時代見到有老師和師兄師姐在學校捐血就十分期待，預科時曾經想在學校捐血，點知因為感冒後康復不久，被工作人員婉拒~~~   在2003年4月某日我在天頌商場遇到捐血攤位，當時香港爆發沙士兼應付高考的我突然好想捐血，那我就好開心咁進行我的第一次捐血~~~~     捐血有好多知識可以學到，原來捐一次血可以幫手3個人，捐血除了全血，仲有成份血，捐成份血需要體重超過60公斤，每次過程近一小時，每隔兩星可以捐，但每年不得多於24次，今次頒獎典禮有一位得獎者捐血次數有625次或以上，真的令我們敬佩！     電視新聞話好多人想捐血但因血色素不足而未能成功捐出，在我的經驗來講大部分日子都在剛好合格，但唯一因為咁而未能捐血係因為昕昕靜俏俏在我體內而唔知道，感恩那時我未能成功捐血，想捐血那天我成孕不足10日，所以我不足一個月便驗孕並知道懷孕~~~   典禮後好友請我到牛角慶祝，食牛肉都有助提升自己的血紅素*^O^*     最驚喜係好友在日本網站訂了我至愛的PC狗懷舊精品，仲唔聲唔聲咁放入盒內，我初初以為佢還之前借出的盒子，原來我笨到裡面有東西都沒留意~~~     當日主要拎左手邊的紀念章，玩攤位遊戲拎咗兩份小禮物，捐血救人係一件既開心而又有意義的事，作為一位童子軍的我當然繼續做個定期捐血者，讓更多有需要的人得到幫助。   ***在幫助別人之前，記得要有健康的身體和充足的休息(^_^;)     以下是我們的FACEBOOK專頁連結，裡面會有一些昕昕的生活照片和不同資訊分享^^    小玉雜記   生活易推出咗BB成長日記，方便媽媽記錄BB成長片段，我幫昕昕建立咗一個，大家有時間可以參觀=W=     我的網誌~~~ Google blog theztyle blog Mybb.com blog Bkmilk blog She blog (New)     She blog (Old) Elle Blog WOW Blog WeShare 媽咪幫mamibuy U Blog 我的飲食分享：    如有任何Blogger活動邀請或試用，可以聯絡我的電郵：   mandylau55@gmail.com