本來我只係改呢個健康甜品嘅名做“營養雙星甜甜卷”， 不過好似好老土， 之後做左出來我覺得好似和菓子呀， 咁就將佢命名<BB版和菓子>啦。 唔好以為和菓子就會勁落糖，色素之類， 我做嘅係非常健康BB版， 食材都係superfood， 呢個你哋一定要學呀， 成個食譜只係用左紅菜頭，蕃薯，配方奶及麵粉， 糖鹽油都無滴呀， 係BB嘅最佳下午茶。     材料： 麵粉50g 配方奶50ml 紅菜頭一小隻 蕃薯一小隻         做法：   1. 先將紅菜頭去皮切件再蒸熟~     2. 蒸熟後用blender打成蓉，因我個blender蒸後會有水， 我會連水一齊打，才會有些許汁嘅感覺， 如果你哋blend同蒸分開做， 咁就加40ml熟水一齊blend。之後備用。       3. 蕃薯去皮切件蒸熟。   4. 將蕃薯壓成蓉，加入20ml奶攪拌成軟狀， 令口感更creamy，之後備用。         5. 大碗中放入麵粉，再加三湯匙紅菜頭蓉， 再加入30ml配方奶攪拌成糊狀， 避免麵粉形成粒粒糾結在一起， 否則也可分幾次篩入麵粉再攪拌。                   6. 易潔平底鑊加熱，不用加油，熱後熄火。 一隻手拎住鑊柄離開爐頭，另一隻手倒入粉糊， 然後不斷旋轉平底鑊，讓粉糊平均流動分怖， 直至流成想要的厚度及大小， 便可放回爐頭上，開最細火煮。   7. 期間不要移動塊皮，在邊緣測試是否夠挺身可翻， 有把握就可翻轉再煮另一面。   8. 盛出紅菜頭皮，在上面塗上蕃薯蓉，然後卷成條狀。         9. 可以切件了，如果想切得靚，在旁放一杯熱水，每切一件之前，把刀放入熱水浪一下，然後直接切，就不會太黏刀。   《非常健康BB版和菓子》希望大家都喜歡。     除左紅菜頭, 大家也可以用菠菜, 紅蘿蔔, 配南瓜或紫心蕃薯蓉, 都一樣會好靚嫁~ 下次再做特式BB食譜比大家, 記得留意FB更新~       ************************************************************************ ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk       IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange   OH!爸媽!  MyBB.Com  香港媽咪幫  UBABY 媽媽經  親子日常