之前同蠔豉爸爸一齊聽過一個講座，係關於圖像記憶法~ 自此蠔豉爸爸就一直記住呢件事，因為我地以前細個會覺得啲中文字多筆劃、英文字長就係難！ 但圖像記憶法就係唔理個字有幾難，對睇既人黎講都只係一幅圖~ 而玩Flash card(閃卡)就係可以加強圖像記憶法既一種 :p   本身蠔豉爸爸係打算自己整啲Flash Card出黎~其實都好易既~只係上網搵下圖片，下面打返中/英文字再print出黎就ok~不過，整幾張就話易姐...整好多就... (我整既全部都係食物，因為媽媽覺得食野最緊要:p)   好彩之後係網上見到有免費既Flash Card下載！只要print出黎再剪返size就ok~   不過提下大家，一定一定要買硬卡紙印，普通A4紙太軟，根本Flash唔到... 因為Flash Card既原意係好快咁一張接一張，好快咁俾小朋友睇(每張卡唔會睇多過2秒！) 所以一定要厚身既卡紙先會易啲控制~   坊間其實有好多認字卡都可以當Flash Card咁玩！ 但最大既分別其實係個用法~ 認字卡，可能你會一個一個英文字母咁讀俾小朋友聽，例如: A、P、P、L、E，Apple！ 中文就可能大人會用手字一筆一筆咁教小朋友寫，蘋、果！   而Flash Card就係快速咁俾小朋友睇一張圖~   每張相應既圖就講返Apple、Cherry、Banana、Raspberry... 總之每一張圖唔會望超過2秒，之後收埋幅圖畫~   頭嗰幾次其實妹妹都唔知我地做緊乜~ 不過宜家佢見到平時食開既蕉、士多啤梨都會特別開心 :) 當然，唔係每一個小朋友都擅長圖像記憶法，不過就當每日既親子玩樂時間之一囉~ 記得，我地只係陪小朋友玩為主，佢唔鐘意玩Flash Card，咪玩返車車、布積木囉~千其唔好迫佢~   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring 合作／邀稿 : wingring417@gmail.com / wingring@ymail.com