早排行吉豬島, 見到有一pack8-10隻mini pepper賣, 仲要有機, 仲要十蚊都唔駛, 梗係唔放過佢啦~~ 買埋包澳洲牛胸腹肉, 就整個彩椒牛肉飯啦~   材料: mini pepper 2隻切粒 牛胸腹肉 3片切粒 蒜頭 1瓣切蓉   做法: 1. 中細火燒熱鑊, 落小小油, 蒜蓉炒香 2. 見到蒜蓉開始變色同聞到香味, 落牛胸腹肉粒, 攤開, 唔好亂反佢, 等佢煎一陣, 開返大小小個火 <-大到咁 3. 煎好晒咁多面牛肉(其實都係講緊一分鐘咁上下時間, 太細粒好快熟), 就落彩椒粒炒勻 4. 調味時間~ lemon pepper配牛肉真係好正~ 所以佢又出動喇~ 鄧5吓就夠~ 5. 炒好晒之後就全部倒晒落煮好咗ge飯度, 兜勻佢, 開超細火煮多3-4分鐘, 等椒味牛味沁入d飯度 6. 一碗色香味俱全ge彩椒牛肉飯就完成喇~   米豬試食時間~ 呢排仲好努力咁學自己畢飯, 開始控制到力度喇~ 咁多顏色, 等我試吓咩味先! 甜甜地, 但又好香肉肉味~ 手指0個啖都唔好放過~!!! 媽媽見你食得開心, 唯有努力d, 諗多d新菜式比你食啦~ 食到見到包包超人呀~~~    煮食小貼士: 1. 我試過買普通牛柳位, 但煮完好靭呀..... 米豬未有大牙仔0趙唔到, 同我逐粒吐出來..... /_\ 所以唯有買胸腹肉啦~ 其實如果小朋友牙仔有力, 可以買返牛柳啊~ 2. 有d媽咪會擔心, 彩椒會唔會對小朋友來講太濃味呀? 其實唔會ga~ 因為炒完之後香噴噴, 而且仲係甜ga tim~ 米豬連跌咗落枱0個粒都唔放過呀~ 3. 每日飲食最好咩色都有d, 彩椒就啱晒喇~ 不過上網睇話食得多會燥喎~ 如果小朋友0個期炆憎豬就唔好煮咁密喇~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/