尋日由我地離開西松屋開始, 雨係一直都冇停過, 仲越落越大.....   不過其實都唔怕ge, 因為酒店一出lobby就有lift落返地下街, 可以通返去搭機鐵0個度, 係要抬1層樓梯囉, 但唔駛濕身仲想點~   由於1010早機關係, 我地係最遲8點半要到機場, 搭鐵大約8個字, 我地再預鬆d, 就諗住搭7:20班車, 仲要預時間响front desk拎返雪响冰櫃ge媽媽奶出來執喼, 所以其實我地最遲6:30要起身............. 但咁落雨法要行地下街, 兜吓路搬吓喼, 即係又要早多2個字, 6:20要起身喇........   我地執行李執到2點幾, 洗埋泵消埋毒, 整吓呢整吓路, 都成4點, online check in埋就訓, 6:20我地堅係準時彈咗起身落去拎奶, 執喼, check out, 所有事情都係on time, 當我地6:45滿心歡喜咁諗住搭lift落地下街時............ 咦....... 做乜唔開門ge????? 唔止我地, 仲有另外幾個日本人都呆咗....... 跟住就GG啦...... 2個女人仔, 一人2喼, 揹個巨袋, 你都咪話唔喱hea....... 仲要我地一心諗住落地下街, 連把遮都收埋咗入喼....... 好在..... 酒店對面馬路間些粉有開, 我就衝過去買咗2件雨褸, 同表妹小姐一人一件再拖喼, 乘住呢個紅雨咁ge雨勢, 行 地 面 過去名鉄駅!!! (路面腳程好天冇行李時只係7分鐘)  變咗鐘樓陀俠的表妹小姐XD 結果我地好成功咁, 7:08去到名鉄站, 由於係返工時間, 個站係迫到阿媽都唔認得(想像吓朝早8點零鐘响金鐘轉車過海, 實際情況唔爭太遠) 我地搵咗碌冇咁比人撞同阻街ge柱, 放好行李(同埋0個件滴晒水ge雨褸)之後, 我就又憑住我破爛ge日文去買飛, 點知........... 7:20班車FULL咗!!!!!!!!!!!!!!!!!!!!!!!!!! 佢比咗2個option我 1. 搭7:35 急行唔記得乜, 大約8:25到機場, 但d行李要自己攬住, 架車係冇放行李位, 仲有十萬個上班族同你同車 2. 搭7:51 u sky, 大約8:30到機場, 行李可以放行李位 價錢好似爭幾百yen, 我地幾大都搭返u sky啦~!!!!!!!!!!!! 點攬住2個喼呀大佬...........   買完車飛仲有時間, 我地就去咗買早餐, 應該係話我去咗買早餐, 去到影晒比表妹小姐揀, 我就落單, 佢連喼ssss响返碌柱度等我, 買齊早餐我地就落月台, 又一奶野之作..........   頭先都講, 而家係返工時間, 而日本d月台係幾咁multi function大家應該都略有所聞, 我地2個落到去, 淨係搵返邊個位係u sky第4卡已經頭都暈埋, 仲要同時間有返工返學ge人响個站度迫爆咗...... 我諗返都覺得我地好阻街...... 不過好彩係我响月台搵到個好好人ge月台長叔叔, 佢話我地排緊個位係啱ge~!! 等到7:45我地就推埋d喼去排隊, 丫返個頭位放喼先....... 因為都見到月台開始多去機場ge喼人呀....... 終於成功咁比我地上到車, 成功咁推晒4個喼入行李位  可以食早餐了~~~ (原定响機場開壇ge表妹小姐被迫要响u sky開壇, 不過呢度d位有埋枱, 所以開壇來計都唔係太喱hea~)   終於8:30我地準時到機場, 好在一早online check in咗, 所以淨係去drop baggage就得, 唔駛排0個條長到阿媽都唔認得ge check in queue   埋單磅重, 我抬咗37kg, 表妹小姐竟然只係35kg~!!! 但見到加埋過30kg時都心諗...... 死喇..... 咪要執野出來..... 但點解.... 個地勤唔出聲, 仲同我地索好晒d行李ge??? 唔理啦過咗海就神仙~ 可能班機唔爆呢~~ 地勤: Thank you for waiting, here's your passport, we have upgraded you to business class, please arrive gate xx by 9:20 我地 (吹水中: 好彩一早check in咗咋唔係有排排): Thanks! (懵住咁接返passport + boarding pass) 行咗幾步, load咗陣, 佢頭先講咩話??? 望望張boarding pass.......... BUSINESS!!!!!!!!!!! 人生第一次被upgrade啊~~~~~~ 行過咗個counter去到後面, 2個傻婆就响度尖叫XDD 跟住去排那條打咗3個蛇餅的custom check....... 唔算慢, 但都排咗成3-4個字, 所以如果大家去名古屋中部國際機場, 記得預多小小時間排隊呀~~~~   今次旅行期間我冇買手信, 因為聽人講機場可以買到世界之山雞翼, 我仲特登拎咗個巨hand carry袋, 點知原來已經冇得賣好耐............ 囧" sorry喇各位, 今次旅行係冇手信ge~~ (留意返其實呢個機場超細, 得3-4間舖only........) 响冇咩搞ge情況之下, 我地就去閘口等上機   一上機即刻忍唔住facetime米豬同佢講媽媽返嚟喇~~ 你地睇~ 佢笑得開心到好似賣牙膏廣告咁呀~~~ 我都超開心呀~~~ 餓咗幾日冇得傾計ya ma~~~ 個傻豬仔仲係咁鍚個電話添~~~ 原本係諗住一落機即刻返屋企unpack洗衫, 同老公拍返晚拖, 第2日先去接米豬, 但媽媽忍唔住喇~~ 決定一落機即刻同表妹小姐飛的返娘家~!!!   對上0個次飛business就係同老公去Sydney lu~ 如果一早知今次有得upgrade, 我一定會買埋AKACHAN d大車仔返嚟比你ga米豬~~~ 姨姨婷真係好腳頭喇~ 第一次搭飛機就upgrade~   牛牛好好味~   又點小得我最愛ge芝士~~ 其實我又係尋秦記送飯~~ 睇到第7集咋.... 好想煲晒40集呀!!!   嘆住雪糕睇陶總管同項少龍train波真係正~~  好快又返到香港lu~~~ 但返到香港唔代表荷包止血, 因為機場有佢等緊我 *v*  我同米豬大愛的龍貓呀~ (成日唱totoro, 而家見到龍貓識叫"多多"喇~) 今次去日本仲有個任務, 就係張薄ge買龍貓被返來比米豬夏天冚, 因為冬天0個張堅係厚到會生熱痱ga........  (聖誕節時影)堅係暖ga, 得7度0個幾日佢淨係冚呢張被咋~ 點知行晒大半個名古屋, 竟然一樣龍貓related product都冇~!!!! 好在有媽媽gp!! 佢地話機場有popup store呀~!! 仲要係未入閘前ge位~!! 落機梗係第一時間衝去買啦~~~ 結果都係冇被ga, 但有沖涼浴巾, 大大條, 算啦~ 照買來當被冚啦~ 毛巾被囉咩事啫XD   同表妹小姐一人推住一車行李, 我爸爸落樓接我地時, 見司機叔叔搬極都仲未完, 忍唔住"你2個傻妹駛唔駛買咁多野啊?~"  人家已經很節制啦爸爸~   Day 5 就在驚嚇驚喜中完了~ 旅程都圓滿結束~~ 特別鳴謝老公提供機票+盤纏+大假~   旅程就完咗, 但係關於旅行ge事係未完ga~!   名古屋之旅番外篇!! 壯媽媽 - 37kg是如何托回來 泵媽媽 - 如何運4日冰奶返香港   媽媽s放大假系列:  Holiday媽媽 - Day 1 - 與表妹小姐名古屋之旅 癲媽媽 - Day 2 Akachan瘋狂爆買+大須商店街 痴媽媽 - Day 3 迷失於長島outlet 癲媽媽 - Day 4 暴雨下爆買西松屋 + hea遊名古屋城 嚇媽媽 - Day 5 紅雨雨勢下走人   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/