和牛B初生嘅時候,由於我乜都唔識,所以我錯過咗拍攝嘅黃金時間。 幾年之後,我終於機會參與到關自己事嘅New born相啦,而個Baby係和牛姨媽嘅BB呀~~~ 即係和牛B要做表姐,佢有個小表弟呀~ 影New Born最佳嘅時間係出生後12日至1個月大最好,BB通常都會瞓梗覺。 拍攝當然要準備好一系列嘅衫仔同道具啦~ 衫仔方面,我都係從淘寶買返嚟,洗乾淨用。 淘寶嘅款式係超多,睇到花多眼亂。 淘寶搜尋字眼:新生兒拍照道具 最後我揀咗Minions連香蕉套裝,另外買咗一套及大紗巾同埋背景用毛毯。 Minions套裝購買連結:https://item.taobao.com/item.htm?spm=a1z09.2.0.0.78e12e8dkjOSDP&id=562466537426&_u=572rrhp59b5 道具衫購買連結:https://item.taobao.com/item.htm?spm=a1z09.2.0.0.78e12e8dkjOSDP&id=542316258489&_u=572rrhp6316 背景毛毯購買連結:https://item.taobao.com/item.htm?spm=a1z09.2.0.0.78e12e8dkjOSDP&id=542210718241&_u=572rrhpf82d 另外,我再喺另一間店買咗個道具,作為造型用嘅,個樣有少少似孕婦咕臣。 道道咕臣購買連結:https://item.taobao.com/item.htm?spm=a1z09.2.0.0.78e12e8dkjOSDP&id=520956683445&_u=572rrhpfae7 拍攝日當日小表弟只有13日大,超柔軟。 衫、道具已經準備好晒,今日仲有和牛B小助手幫忙拍攝。 屋企頓時化身少少攝影棚,由於屋企陽光充足,所以完全唔需要補燈拍攝。 全靠和牛B有英文字母嘅積木,增添不少色彩呀。 毛毯底加入道具咕臣,有助擺Pose同埋BB會瞓得舒服少少,唔洗直接瞓地下。 而網上有唔少片段係點樣包裹BB,同埋擺Pose。 不過講真,我都真係好驚會整親BB。 所以好多Pose都係維持返平瞓狀態就最為安全。 Youtube 搜尋字眼: newborn photography tutorial 開始影相之前,BB最好食飽奶奶先進行。 仲有就係,記得留意室內溫度,唔好凍親BB呀。 和牛B真係好鍾意小表弟,祝表弟快高長大,身體健康,人見人愛! -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。