經過day 2之後, 我地發現以我地咁hea法, 真係一世都做唔晒我地想响名古屋做ge野, 所以我地決定要寫schedule  我知我d字好核突, 寫返次比你地睇喇 由於立吓眼我地都其實並唔係太好名牌, 所以我地係plan咗上晝hea行outlet, 下晝去隔離浸溫泉 預計0845 出發, 搭0920巴士, 車程約1小時, 去到就行, 行到11點表妹小姐就開壇, 我繼續行, 開完壇行多陣1230食lunch, 食飽就1330度去浸溫泉, 1530搭車返返名古屋駅, 之後返酒店再開壇, 預計1745就可以離開酒店房去葯粧店, 2100前返返酒店再開壇, 咁今日就可以唔駛咁緊迫行程   而實際上, 當日我地係真係搭到0920車入去ge~~  搭巴士去長島outlet係可以去到nana醬左腳對面0個條電梯, 上3樓買飛再去4樓搭車~ round trip車飛係平D, 所以係買咗round trip飛~ 小學雞我們係買埋零食上車, 好似小學雞去旅行咁~ yeah~ 如果同老公去, 我實上車訓到落車, 但同表妹小姐去, 我就冇訓喇, 一陣2個都唔知醒落車咪GG~ (但其實我地係搭到去總站)  大約50分鐘就嚟到目的地喇~     呢個map就係全個長島我都唔知叫樂園定區域好....... 最大0個part係機動遊戲, 上圖右上係溫泉區, 右下係outlet區, outlet隔離, 仲有米豬最愛ge包包超人館, 表妹小姐有叫我入去, 話好多包包野買, 都係唔入喇, 留返下次同米豬嚟啦~ 買夠22000yen就有得免費入場ge溫泉, 初時我地都覺得"正wo~ 連入場費都慳埋"    大家一齊嚟睇吓呢個floor plan, 號稱全日本最大outlet, 所以其實都真係會行到腳跛, 但好在, 我地唔係名牌人, 所以我地只係target咗agnes b, brikenstock, francfranc, afternoon tea, nike呢d大眾bland 分上下2層, 仲有埋nursing room响左近, 對於要開壇來講係好方便~    由地下0個層開始, 一入francfranc已經差d被燒著........  調味架啫.... 駛唔駛靚到咁呀......   咁都出到粉紅色, 好在我唔駛用啫, 唔係又買ga na咁鬼死平.....   筷子都超多choice, 勁靚~~~ 仲要全部made in Japan~~~ 648yen一對咋~!!!  到碟我就忍唔到了~ 本身想去LC睇長碟, 但呢度有拼色, 仲有粉紅色~ 走0個時返來買啦~~  唔通一開波就揹住2隻碟摶打爛咩XD 呢個魚魚碟都差d買咗, 而家好後悔冇買   不過冇記錯ge話應該係膠來, 唔啱洗~ 仲有風扇仔~~ 2000yen有找~    之後又快速咁行咗brikenstock, fred perry, 呢d都係買比老公ge啫~ 不過係表妹小姐買囉~ 我冇買呀我老公話NIKE以外ge鞋唔比買wo, 不過我睇中咗對brikenstock, 但冇佢碼, 慳返 =P  跟住去咗westwood, agnes b, 都有d斬鑊啦~  買比媽咪ge母親節禮物~~ 表妹小姐都買咗個同款比姑姐, 佢地又可以姑嫂裝了~ 行多陣表妹小姐就去開壇, 我就閒逛+上2樓睇吓nike d鞋, 勁多扭蛋機  而我就比呢部包包超人用咗我成千yen XD 係呀, 扭比米豬ya ma~  行過nike途中唔小心入咗一個zone, 好大鑊, 全部都係平時著開ge brands....................... 買衫點可以唔等埋表妹小姐??? 所以等佢開完壇, 我地開完餐就進佔二樓~!!!   終於响outlet食到one of 名古屋名物,矢場豬扒~ 又真係幾好味wo~ 我鐘意食原味多d~~  另外我地又叫咗個冷烏冬同天丼, 大家share食~~ 咁咪樣樣都食到囉~ (其實好想食soba呀.... 不過呢度冇就冇計啦~~)   由於發現咗0個個全部都賣平時著0個d brands ge zone ge關係, 原定說好的1330去浸溫泉已經名存實亡XD 各位觀眾敬請留意   食完個lunch, 姐我才開始放血...... 先去puma買咗對白波鞋~~    表妹小姐話好易襯, 佢ge comment係"連你今日呢對咁9唔搭8 ge襪都襯到你就知佢幾好襯~!!" -_-|| 唔該晒.... 再入咗Edwin買咗呢條長裙, 仲有裇衫比老公同米豬, 仲有皮帶, 仲有好多襪(1000yen 4對唔係唔買呀?)   靚靚喎我覺得~ 2千幾yen咋~~~ 其實呢..... 仲有好多間專賣童裝ga........ 但尋日响akachan放咗成十萬yen血之後, 我地理智咗, skip晒佢XDD 但我都有入去影相比你地睇ga~ 係咪好乖先~~   差D失守ge BB鞋ssssssss 好在生仔系列....... 好在米豬肥腳系列........ 仲有勁勁勁多靚衫   好喇, 收手喇真係.......   真係行到腳都斷咁滯呀.... 因為真係好好好好好大....... 下次再嚟我諗我可能會排响呢邊住一晚囉XDDD  因為成個陣好唔強迫shopping,所以個人就好鬆懈, 就係咁買買買~!!!   之後都買到天昏地暗, 相都唔得閒影XDDD 呢度有樣野真係好好, 育兒設施勁足, 連playroom都有埋, 你知啦女人行街, 十個有9個男人+BB都係冇呢個耐性ga ma, 所以媽媽行街時爸爸可以帶BB們嚟playroom放吓電, 幾好吖~~   同埋佢地係有shopping cart, 係有埋baby seat ga............ 真係拎住銀包同個仔就可以作戰, BB車都可以唔駛帶 結果我地血戰到1800..... 大約........ 係,,,,, 唔知洗咗幾多錢...... 有一吓我地係好興幸我地買咗回程車飛-_-|| 死未........  影完之後再多咗4袋XDD 提提大家, 呢度全部都收咭, 所以有得碌就碌啦~~ 其實個rate唔爭好遠, 而家多數都冇手續費呢家野, 而且好多時海外簽賬有回贈, 分分鐘抵過比cash~!! (被outlet食咗8成cash ge苦主上)   搭1820車返返名古屋, 放低戰利品我地又出發, 去千里馬葯局, 因為個個都話0個度好平, 結果我又買呀買, 但點知....... 呢度係CASH ONLY!!!!!!!!!! 所以......... 我係企咗响度....... 死死地氣返返過大国葯粧...........    由於洗咗8成cash, 所以我地都淆晒底, 夜晚即刻食平DD...囉.........  食平D啫, 但冇話唔食好西ga wo~~  呢個雞翼勁滑, 我想講入口時係有陣雞蛋香味~!!  個皮又脆wo~~~ 窮人恩物: 親子丼~   但一D都唔hea, 又係超好味~~~   Day 3 就這樣貧窮地結束........   媽媽s放大假系列:  Holiday媽媽 - Day 1 - 與表妹小姐名古屋之旅 癲媽媽 - Day 2 Akachan瘋狂爆買+大須商店街 痴媽媽 - Day 3 迷失於長島outlet 癲媽媽 - Day 4 暴雨下爆買西松屋 + hea遊名古屋城 loading.... 嚇媽媽 - Day 5 紅雨雨勢下走人 壯媽媽 - 37kg是如何托回來 泵媽媽 - 如何運4日冰奶返香港 米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/