我差唔多日日都去街市買餸, 因為覺得去街市先新鮮吖ma~ 而我蒲得最多除咗菜檔, 就係海鮮檔, 因為海鮮有豐富蛋白質, 對小朋友成長係好重要ga呢~ 但係其實好多魚又唔比得米豬食ga wo~ 例如深海魚 (即係d斑呀, 龍"等"呀0個d), 所以每日都要去睇吓有冇咩魚魚啱米豬食, 而又唔會好浪費我時間去處理啦~ 要知道湊住米豬呢個好動寶寶, 媽媽連去廁所的時間也是奢侈啊~   海鮮檔中除咗蝦, 我最愛ge就係白飯魚~ 因為一食, 就成條食, 咁就唔止豐富蛋白質, 連魚骨d鈣質我地都唔放過~~ XD 一齊長大長高~~ 通常我都用來煎蛋, 不過今日行完街市又去咗apita, 見到佢地賣玉子燒呀~~ 媽媽我好想食呀~ 咁就嚟個白飯魚煎蛋變奏, 整個日系 - 白飯魚玉子燒 啦~~     材料: 白飯魚 1両 (我買0個檔最小買4両, 我每次買完分4份放入冰格, 用就啪一格出來) 蛋 2隻 (我用日本蛋) 鰹魚粉 半茶匙 水 1湯匙 garlic powder 約1/4茶匙   做法: 1. 白飯魚放密窿筲箕沖水洗淨, 晾乾水, 加garlic powder略醃, 可以去除腥味 2. 蛋打落大碗, 加水同鰹魚粉, 打勻   3. 先燒紅鑊炒熟白飯魚(會有小小出水), 炒熟後撈起隔水待用  4. 洗乾淨個鑊, 落2-3滴油, 用膠括推勻成個鑊, 落1/3蛋, 見蛋漿開始鯨就落晒頭先d白飯魚, 盡量放近手把0個邊大約手指闊度位置, 舖平  5. 用膠括將蛋皮由下而上卷起, 推到最上  唔記得咗要推到最上, sir咗佢落最低XD 6. 倒入1/3蛋液, 立即用膠括攝高已成型0個邊ge底部, 等蛋液sum入去, 咁樣就會同第一層連為一體喇~  7. 再重復step 5同6, 整完之後我覺得側邊仲有d蛋液未熟透, 你知啦~ 蛋好多沙門氐菌ga ma, 所以我就夾企佢再煎多陣, 情願over cook小小都唔好比米豬有受感染ge機會啊~  8. 放涼小小之後就切件~ 記得用切熟食物ge鉆板同刀呀~  9. 上碟~   又試食時間~~ 米豬: 媽媽呢個咩嚟?~  等我咬你一啖先~!!!!!!!!  好味呀~!! 我請你食吖~~~   如果可以配返枝18年奶奶就perfect~  奶咩呀~ 食飯啦你~~~~   煮食小貼士:  1. 全程必需最細火 2. 鰹魚粉我買呢隻, 吉O島12蚊店(最平)同各大日系supermarket有售, 佢有獨立包裝每包5g(一盒好似有10包定12包, 唔記得)或一盒 2包50g裝, 我唔敢買一盒2包0個隻, 因為驚用到花兒也謝了都未用完  呢盒購自日本, 但我响香港食開呢個牌子ga~ packing唔同啫你嚇我唔到ge~ 3. 可以配搭唔同涵料, 我今日post咗去我地BB gp之後, Z小姐即刻話佢平時用三文魚/芝士/紫菜整ga~~ 我又學到野喇~~   米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/