無啦啦, 要湊仔, full time mum, 點解有得去旅行? 要由老公3月中無啦啦發現有成5萬miles就到期, 唔用又好蝕, 想同6299去, 但2老又唔想飛, 我就膽粗粗問老公, 可唔可以放我同表妹小姐去旅行 (我同表妹小姐呢個旅行由小學雞年代講到大家都做媽媽....... -_-||) 點知, 老公又批wo~!! 老公批, 都要表妹小姐老公批, 同埋表妹小姐老公批, 表妹小姐老公批完仲有公司要批, 之後仲有我地媽咪批, 點解要我地媽咪批? 我地媽咪唔批, 邊個幫我地湊住米豬同豆沙呀? XD 你地話母愛係幾咁偉大呢~~~ 湊大個女唔夠, 仲要湊埋粒孫~~ 我地媽咪今舖真係前世欠咗我地2仔乸 超極速, 所有批文都拎到晒~~~ 但一定要20/4前完trip, 因為細家嫂5月生BB喇~ 媽咪想因早D時間, 預鬆D, 所以20/4就係我地ge deadline~!! 本身想一齊去大阪, 點知D機票真係chur聲冇晒......... 最後我地用咗3分鐘時間, 決定轉去名古屋XDDDDD 14/4 1010去, 18/4 1010返, 快閃96小時!! 其實今次真係好感謝表妹小姐肯陪我癲, 第一, 豆沙沙早產出世, 一路都keep住食媽媽奶, 所以佢陪我去旅行, 係要帶住奶泵週圍去的, 仲要運奶返香港, 各位泵媽睇到呢度係咪一額汗!!! (之後會有篇專講我地每日點儲存D奶同埋點運奶返HK, 等我!!) 第二, 表妹小姐公司peak season係4月, 理論上公司係唔會放人, 點知佢冒住返嚟做到爆肝ge危險, 都要陪我出走~!! 愛C你呀~~~ 出發前一晚, 我拖埋行李返媽咪度訓, 因為我地2個娘家其實响同一楝樓, 一齊飛的出發就可以盡量拖延同BB分開ge時間, 其實我地真係好唔捨得BBs~~ 平時訓到9點ge米豬, 今朝6點幾聽到我有E郁, 即刻彈咗起身, 我出門口時聽到佢喊呀T^T 表妹小姐一早call定的士响樓下等, 表妹夫先生送咗我地上車之後就返上去陪豆沙沙了 的士一閂門, 一開走0個刻, 我地2個真係好想攬住喊呀!!!!!!!!!!!!!!!!!!!!!!!!!!! 一嚟唔捨得仔女, 二嚟我地講咗成廿年ge旅行終於去得成喇~!! (但爭細表妹囉~) 入到機場, 食返個popeyes, 就去等上機喇~~ 好耐都冇搭過早機XDD check in時我地同地勤講咗, 會响機度泵奶, 希望可以安排返單邊位比我地(因為訂機票時得返中間0個D位咋...), 結果我地就被安排去坐premium econ第一行, (我地本身都係買咗PE飛的), 有埋baby basket放置枱, 表妹小姐開壇就好方便了~ 真係要多謝地勤ge安排呀~ 唔知係咪太耐冇坐CX機, 而家原來有得睇尋秦記XDD 我又係咁响機度煲劇喇~~ 幾個鐘之後, 我地就到咗中部國際機場喇~ 過晒關之後開電話, what????? 我地landing前15分鐘地震!! *0* 巧京京wo!! 好快咁拎完行李之後, 就開地2個路痴搵車搭 你以為係2個喼, 其實係有4個喼 ^皿^ 又~ 比我搵到搭去名古屋站架u sky wo~~ 但係去到名古屋站就搵咗一陣先搵到條路去酒店, 可以全地底到對面馬路先浮面, 但係呢.... 要搬幾次幾級樓梯囉.... 表妹小姐有媽媽手, 呢D擔擔枱枱ge野等我來~!! 話晒我而家可以單手抱住那隻廿幾磅ge米煮飯~~ 今次我地住三井花園酒店~ Mitsui Garden Hotel Nagoya Premier lobby已經好好view~~ 可惜外面天陰陰咁 我地間房仲好view呀~~~ 其實望到名古屋城ga~~ 欣賞完間房, 我地就爭取時間出返去行街喇~ 出去前梗係facetime吓我米豬豬啦, 點知..... 喊到癲咗呀!!!!!!!!!! / _ \ 媽媽見到你喊, 都好想喊呀T_T 媽咪話佢今日全日都冇咩野, 但facetime一見到我, 佢就崩潰喇............... 之後幾日我都唔敢再facetime返屋企, 淨係叫媽咪影多D相send比我咋....... 因為唔想米豬係咁崩潰呀.... 拿拿臨收線走人喇.... 原來一落到地下, 係有lift落返basement....... 即係頭先我地本身係連條馬路都唔駛過ga~! 勁方便~ 我地去咗名鉄百貨啦~ 因為我要買褸呀~~ 但係呢... 佢地真係得D太太款...... 而我係靚太嚟ga ma, 所以買唔到囉~~~ 响loft玩咗成大半個鐘, 我地就去食飯喇~ 由於我地係no planning, 所以就求其响地下街中咗入一間就食啦~ 都OK啦呢間~~~ 點解要响地下街食? 因為唔想開遮囉...... 落勁抽大雨呀....... day 1 就這樣結束~~ 媽媽s放大假系列: Holiday媽媽 - Day 1 - 與表妹小姐名古屋之旅 癲媽媽 - Day 2 Akachan瘋狂爆買+大須商店街 痴媽媽 - Day 3 迷失於長島outlet 癲媽媽 - Day 4 暴雨下爆買西松屋 + hea遊名古屋城 loading.... 嚇媽媽 - Day 5 紅雨雨勢下走人 壯媽媽 - 37kg是如何托回來 泵媽媽 - 如何運4日冰奶返香港 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/
