繼續同大家分享下，上次分享到因為有輕微出血，檢查後發現有輕微胎盤前置，有小小作小產，醫生話要多D休息，一次過放左兩星期既假，係呢兩星期過住與世隔絕既生活..... 放左兩星期假，又要返工了，真係辛苦曬d同事，不過復工後第四天，早上起身時再發現出血，個一刻感覺真係好驚，不斷鬧自己點解晚晩加班，吾多D休息...... 今次都係立即去睇醫生，醫生話衣家冇咩可以做，只過左兩星期，個胎盤未有升返上去既跡象，只可以多D休息，吾可以操勞，再比三星期假我，而且係張假紙寫得好詳細比公司睇，點解要比甘多日假，我完全吾敢望老公，怕佢鬧我，因為晚晚加班，令自己同BB都有危險⋯⋯ 再放呢三星期係屋企休息，為左個BB..我真係冇出過屋企門口架，主要係食同訓，呢段時間有個好老公真係好好好重要，所有屋企既家務都全部做曬，每日都煮飯比我食，真係好感動，不過各位準媽媽，就算真係要留係屋企安胎，除左休息之外，可以開始準備下走佬袋、BB衫、BB用品呢d,分散下注意力! 上網search左好多關於胎盤前置要注意既事項 下面呢句次次都出現， 多臥床休息，避免太勞累，減少胎盤所承受的壓力。  過左三星期後再去檢查，個胎盤已經慢慢升返上去了，所以如果在懷孕初期發現胎盤前置，不如太過膽心，好大機會升返上去架,但醫生都再三叮嚀一定一定要多休息，所以係度建議大家一句，懷孕之後無論生理或心理都會出現很大變化，千奇吾好以為之前可以做既野，懷孕期間仍然可以做，一定要多休息，放鬆自己心情，甘樣先至可以平安顺利生下一個健康既BB!