今次Bella媽做手指魚食譜， 送比喜歡食手指腳趾嘅BB????。 其實這手指魚可以做蒸及煎兩個做法， 細D嘅BB可以蒸， 而Bella就最愛香口食物， 不過今次因為有芝士， 無論煎或蒸都一樣好味， 所以Bella媽今次會做埋for 細B嘅清蒸版本。   《芝士菜菜手指魚》       香煎版: 材料： 1. 今次用了鱸魚，也可用鯇魚，比目魚。其實三文魚都得，不過因為Bella成日食三文魚，所以我想做下其他魚比佢食。 2. 菜數棵，我用了菠菜，無原因的，就是因為雪櫃仲有。菜同魚的比例無所謂，想吃多點菜或口感軟D，可以菜比例多點。 3.芝士，有看我文章的對我用邊款芝士應該不陌生，大約用20G左右。 4. 麵粉或粟粉兩茶匙。   做法： 1. 因為這種魚多骨，所以我會先隔水蒸魚起肉挑骨。（如果用三文魚之類無骨的魚，可不用先蒸，撻肉後做條狀直接在煎pan煎熟）     2. 魚肉弄碎，但切勿太碎以保持一定口感。   3. 菠菜切碎蒸軟，10分鐘左右，別蒸太耐以免太霉運。     4. 芝士切碎。   5. 將菠菜碎及芝士碎與魚肉拌勻。       6. 再落兩茶匙麵粉或粟粉拌勻。   7. 取適量上手掌心，進行撻肉，來回用右手掌心把肉撻回向左手掌心，撻6～8下左右會感到魚肉會糰在一起便可。撻肉動作好重要，把入面空氣迫出來，那麼蒸或煎的時候就不會太易散。   8. 然後做好手指條狀，在肉身樸一點薄薄麵粉或粟粉，便可以煎了。   9. 煎的時候切記不要太大火，慢火煎到外層挺身便可，因為入面的菜，肉是熟的。     10. 送給各位鍾意香口食物嘅BB:  ～《芝士菜菜手指魚(香煎版)》     11. 因為有芝士，所以完全無魚腥無菜青味， 吾好講Bella，就算我都好鍾意食。     再來給細B做清蒸版本。 因為會先把魚肉剁碎， 所以我選擇了沒有骨的三文魚，配西蘭花做， 都是平時雪櫃內常見的食材。   魚肉碎，菜碎及芝士碎混合， 加入麵粉或粟粉兩茶匙拌勻。 然後取適量撻肉(好重要)， 再做成條狀，隔水大火蒸7分鐘， 再細火蒸7分鐘。     完成後圖，蒸手指魚外型一樣挺身， 但口感係好軟淋嘅， 《芝士菜菜手指魚(蒸版)》 細B或吾想食煎嘅BB喜歡嘛？     下次再給各位BB做好味料理~ 記得留意我地FACEBOOK更新啊~~   < 許許與小BELLA > 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: 許許與小BELLAwww.facebook.com/huihuiplayground 聯絡我們: jassmine_tea@yahoo.com.hk             IG:  https://www.instagram.com/huihui_bella/ ~ BLOG足跡 (BEAUTY, LIFESTYLE,  MOM & BABY) ~ BlogSpot   PINEXT   OpenRice  ESD LIFE  TheZtyle  She.Com BeautyExchange  OH!爸媽!  MyBB.Com  香港媽咪幫  UBABY 媽媽經  親子日常