聽身邊嘅媽媽朋友講,BB都唔太喜歡食菜,唯b都一樣 但今晚唔經唔覺食咗好多 羽衣甘藍菠菜汁海鮮飯 材料: 羽衣甘藍 一條 BB菠菜 一撮(約一隻手掌份量) 奶 約60毫升 熟飯 視乎bb食量 帶子 兩隻 (如怕bb敏感可省卻) 銀鱈魚 約50克 做法: 1. 羽衣甘藍、菠菜洗淨,瀝乾水,放入攪拌機攪成菜蓉,或用刀切碎 2. 魚、帶子切粒(可留一粒做裝飾) 3. 平底鑊掃上少少油,煎熟魚、帶子,盛起 4. 同一個鑊倒入奶、菜蓉,以細火加熱及拌勻 5. 倒入飯,與汁拌勻 6. 最後加入魚、帶子粒,與飯拌勻,收汁就完成 7. 放上完整帶子於飯上作裝飾 *個汁只用菠菜都可以 **唯b已22個月大,而且已試過幾種海鮮,慶幸冇敏感。如果bb未試過魚以外嘅海鮮,最好試少少先,冇敏感情況先慢慢俾多啲 如有興趣看更多自理寶寶的育成和BLW的分享,歡迎按此到我們的Facebook Page:)