和牛B一直都係車車&火車迷,所以今個復活節一定要嚟到MegaBox嘅「PLARAIL 繽紛鐵路派對」朝聖呀!! 場內有PLARAIL載住復活蛋嘅大型模型展、主氣彈床連波波池、仲有就係期間限定嘅Pop Up Store,有部份產品仲有折扣優惠添呀!! PLARAIL 火車復活節模型展 場內會展出十部PLARAIL列車模型,仲喺路軌上及復活節佈置中穿梭,當中包括新幹線、東京地下鐵,行駛山手線、九州及四國火車。PLARAIL嘅大型場景模型,1座接近1米高共14層嘅路軌塔,入面仲有列車不停行駛。 新幹線、東京地下鐵,行駛山手線、九州及四國火車 其實除咗日本嘅列車之外,我仲見到有香港區代表港鐵列車同埋車站添呀!!! PLARAIL嘅沙田站。 真係好有真實感呀!! 而且列車仲係會郁添o架!! 開放時間:10:00am - 10:00pm 地點:L5中庭 超大型PLARAIL充氣彈床波波池 小朋友最愛嘅充氣彈床,仲要入面有波波池,真係超級開心,仲玩到唔捨得走呀! 逾18呎高38呎闊嘅全港首個PLARAIL列車大型彈彈裝置,讓小朋友盡情放電。 和牛B好努力咁爬梗上去彈床區~呢到都幾高o架,但佢做得到啦! 爬到上去,會有個區可以彈~你睇下~彈到離晒地呀// 旁邊仲有滑梯,可以瀡返落嚟。 而另一邊就係最精彩嘅彈床x波波池區~ 有兩個通道可以進入波波池區,可以喺出面直接跳入波波池。 亦可以選擇喺彈床區瀡滑梯進入波波池。 來回咁玩好幾轉,真係好攰呀!! 活動日期 3月21日至4月8日 4月9日至4月20日 星期一至五 12:00nn - 8:00pm 2:00pm - 7:00pm 星期六、日及公眾假期 12:00nn - 8:00pm 12:00nn - 8:00pm *活動只適合高度為85cm至140cm 之參加者。 **每節遊戲時間為5分鐘 仲有7呎高七彩巨型扭蛋機,憑玩樂證可以扭一次。獎品好吸引仲好豐富,入面嘅獎品有LARAIL列車玩具、荷花禮券、AEON現金券等,獎品超過10,000份,總值超過$180,000!! 活動時間:12:00nn - 8:00pm 換「玩樂證」方法 只要即日喺MegaBox任何一間商戶消費滿$200,或以Mega Club 5積分或即場捐款$20俾匡智會,即可獲得玩樂證一張。 *消費滿$400或以上,即可換領玩樂證2張,如此類推,而每套消費單據最多換領玩樂證3張。 有得玩、有得抽獎、有得睇之外,當然唔少得設於9樓童真天地嘅「PLARAIL繽紛鐵路攝影區」啦。 開放時間:10:00am - 10:00pm PLARAIL期間限定Pop Up Store Pop Up Store有多款PLARAIL新款列車玩具出售,列車迷千祈唔好錯過,想搶先快人一步就要嚟Pop Up Store到選購啦。 仲有好多TOMICA嘅玩具套裝,車仔。 部分精選產品仲有唔同嘅折扣優惠添呀!! 開放日期:3月21日至4月23日 開放時間: 星期一至五:11:00am - 9:00pm 星期六、日及公眾假期:11:00am - 10:00pm 靜靜雞話你知,如果喺MegaBox消費滿$3,500或以上,仲可以換領PLARAIL 列車玩具(PV Plarail Advance Train系列)1部。 【詳情請按】 MegaBox Facebook遊戲贏獎品 而家即上MegaBox Facebook專頁參加遊戲,仲有機會獲得PLARAIL鐵路精美禮品1份或玩樂證2張,快啲參加啦~ 和牛B人生第一架PLARAIL列車S21系列,佢真係好鍾意呀~ 【MegaBox x PLARAIL繽紛鐵路派對】 活動日期:即日起至4月20日 地點:九龍灣宏照道 38 號 企業廣場 5 期 5樓 (MegaBox) -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。