D咁多字ge文都係分幾次打冇咁攰.... 續上篇 學媽媽 - 蒙特梭利試堂 - 校舍篇 我地今日講返當日上堂時ge情況~~   一入到班房, 老師們就帶小朋友同家長去corner位ge洗手盤清潔小手, 排緊隊時老師幫米豬拉高個衫袖, 到米豬時, 老師幫佢開咗水喉, 之後竟然係要佢自己洗啊~!!!! (媽媽表示很震撼!! 佢14個月都冇呀老師! 得唔得ga???) 米豬&我梗係黑人問號咁望住老師啦, 老師就示範一次, 又吱D bubble出來, 比米豬掂吓, 我又一齊洗吓, 最後米豬都伸手出嚟玩吓水, 老師即刻把握機會吱泡泡比佢, 米豬响我地協助之下終於成功自己洗手喇~~ (媽媽表示很感動!! QoQ 米豬剎那間長大了)   講講班房先~ 唔係好似平時D幼稚園咁枱枱櫈櫈排好晒一齊坐, 係一張張枱獨立分開, 每位小朋友都有自己ge空間去透過教具學習, 其中有1-2張係2人枱, 如果有朋友仔fd咗, 就可以一齊坐喇~ 仲有好多小朋友身高ge矮櫃, 每層放2款教具, 小朋友對邊款有興趣, 老師或者家長就幫佢拎出嚟, 搵個位坐底慢慢玩, 張櫈仔個patpat有小小斜向後, 米豬坐落去就好穩陣, 連呢隻平時坐唔定ge馬騮仔都乖乖坐咗好耐呢~~    洗完手之後, 老師就同我講可以隨便帶米豬周圍行, 睇吓佢對咩教具有興趣, 米豬今日第一樣拎ge, 就係一朵大過佢個身ge不織布花花同埋一堆衫夾~~ 呢樣教具就係將D衫夾同埋一個C字咁ge夾夾住朵花花, 初時米豬都黑人問號ga, 淨係拎住D夾仔响度督吓督吓, 之後老師示範咗幾次, 點樣攝隻夾仔去朵花度, 好快米豬就學識咗, 再玩厭 -_- , 老師見佢開始悶悶地, 就話一齊tidy up之後拎其他野玩啦~ 隻仔平時D玩具周屋掉ga ma, 我咪tidy up 0個個囉~ 我落手想執返D夾入盒, 老師示意我唔好執晒, 我地執1個, 之後叫米豬執1個, 估唔到咁樣米豬玩吓執吓, 就執返晒D夾仔入盒度~! (媽媽表示震撼again!!)   (網絡圖片) 玩完呢個之後, 仲玩咗畢蛋蛋啦(2個碗一個有蛋一個冇, 有隻膠匙羮, 比佢地左畢右, 右畢左) 由於呢排學緊自己畢飯, 而老師示範完之後米豬都好合作, 所以都好肯玩, 畢畢吓仲伸隻匙羮請老師食添~ 玩完畢蛋蛋個人仔就唔係好肯坐喇, 老師問我地平時响屋企玩咩, 其實主要都係玩琴, 車車, 唱歌同跳舞, 老師就帶咗我地去另一邊, 有得照鏡, 仲有好多書响鏡隔離tim~~ 貪靚米照完一輪鏡就乖乖地坐响度睇書喇~~~ 睇到一本關於車ge書, 米豬見到D巴士就响度搖搖吓~ 媽媽我梗係知米豬想點啦~ 要唱wheels on the bus ya ma~ 冇問題啦即刻唱~ 老師聽到就話佢係咪好鐘意呢首歌呀? 我地一陣一齊唱吖~~ (感動~~~)   睇完書又周圍explore吓~~ 八卦米豬四周圍去睇其他同學仔做緊咩野XDD 一開始上堂時其中一個小朋友玩緊入錢錢, 米豬係咁望住人地, 老師見個小朋友冇再玩錢罌, 就問米豬玩唔玩喇, 係一個皮做ge大象錢罌, 同埋一碗錢錢, 呢D錢錢唔係玩具錢, 係真錢! 係唔同國家ge coins啊~!! (媽媽表示又很震撼!! 真錢呀~! 咁細個會吞落肚ga!!) 當然, 老師都表現出我GE顧慮係多餘, 因為老師一路示範時, 一路都觀察住米豬有冇放錢錢入口, 就咁望已經見到大家好熟識ge泰幣同yen, 果然係跨文化教育啊~~~~ 呢個大象錢罌係响背脊入錢, 但有時米豬又會拎D錢放入佢個口度餵佢, 老師話佢知道0個度係食野落肚好叻叻呢~   最後一樣教具, 就係釘窿機+顏色紙條喇~ 係真ge釘窿機啊~ 當然米豬係唔夠力啦~ 老師示範咗幾次之後佢就開始一齊gum喇~~ 真係gum到個窿仔出嚟時, 就望住我好得戚咁笑~~ 叻叻喇係~~    米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/   蒙特梭利試堂記: 學媽媽 - 蒙特梭利試堂 - 校舍篇 學媽媽 - 蒙特梭利試堂 - 課室自由explore篇 學媽媽 - 蒙特梭利試堂 - 小組唱歌篇