其實都好耐冇煮海鮮炒烏冬喇, 未有米豬前差唔多每個月都炒一次ga~ 因為好快靚正吖ma~ 由煮到食都唔駛半個鐘~ 遲咗放工煮就最好喇~ 而家湊住隻馬騮米,  呢D快靚正ge菜式要多D出現先得~~ 今日做咩無啦啦戚起條筋整炒烏冬呢? 咪因為去supermarket時, 有個人仔拎住咗個椰菜唔放囉~ 你睇佢拎得幾開心~ 我遊晒成間apita佢都唔放手呀~ 咁好啦~ 你咁鐘意個椰菜, 咁媽媽就去買埋其他餸, 整個海鮮炒烏冬比爸爸食啦~ 材料非常之簡單, 除咗樓上0個半個椰菜外, 我另外預備咗以上0個堆, 份量如下: 急凍烏冬 3個 芝麻八爪魚 1pack 鳴門卷 半條斜切片 蟹柳 3條斜切片 洋蔥半個切絲 椰菜半個切絲    調味料: 味琳 2湯匙 豉油 2湯匙 老抽 1茶匙   煮法: 將烏冬煮散, 掠乾水備用 鳴門卷, 蟹柳, 洋蔥, 椰菜切好備用 燒熱鑊, 先炒到椰菜軟身, 畢起先, 落洋蔥炒香, 跟住落埋鳴門卷同埋蟹柳, 炒到微黃 加返椰菜絲落去一齊炒, 全部都熟晒就落埋烏冬 烏冬都炒到小小黃黃地, 就落埋芝麻八爪魚, 快炒 調味料溝勻後倒落芝麻八爪魚個兜度, 撈埋一齊之後倒落海鮮烏冬度, 一路炒到全部烏冬上色就搞掂~ 係咪好快手又一餐呢~ 得閒試吓吖~   米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/