唔少媽媽話，BB開始大，要為佢諗埋早餐好煩惱 麵包店嘅麵包或者蛋糕，大部分都有添加劑 如果時間許可，當然係食媽媽牌早餐最好啦 昨晚整咗藍莓香蕉Oat Bites，製作連焗都係用咗30分鐘左右 啱晒忙碌嘅媽媽   藍莓香蕉Oat Bites  (適合10個月或以上BB) 材料： 藍莓 隨意 香蕉 1條 即食麥皮 約70g** 雞蛋 1隻 奶 約10ml 除咗藍莓同香蕉，可以加其他bb鍾意嘅水果   做法： 1. 以180度預熱焗爐10分鐘 2. 將香蕉、藍莓壓爛、混合 3. 加入麥皮拌勻 4. 倒入奶、蛋液，拌勻（如果太稀可以再加麥皮） 5. 將材料倒入模，以180度焗20至25分鐘就完成（因應個別焗爐而定） ** 因為係隨心整，所以麥皮份量係大概，見到步驟4太稀就加   溫馨小提示： 1. Oat bites外面有少少脆但入面係軟嘅，類似浸淋咗嘅麥皮咁 2. 用即食麥皮會較好，容易啲焗淋。藍莓、香蕉焗時會出水，加埋奶，會令麥皮軟。 如有興趣看更多自理寶寶的育成和BLW的分享，歡迎按此到我們的Facebook Page：）