係未知今年仲有冇機會去旅行之時， 就不如留番個小紀念比自己啦 今次大阪之旅，我先生一早要求一定要去番上次旅行 未食過既東西，例如好似食燒肉蟹咁樣 所以今次我就上網找左一間又係任食又係燒肉 重點係都幾出名架，講緊既就係呢間 國產牛燒肉放題   呢一間燒肉店，係之前上網搵資料一樣 佢一係接受Walk In,一係就自己前一天/二天去店鋪預約 一係就在官網預約，不過當時我就是利用了一個App 去幫忙的 不過而家就好似話唔可以啦...   今次我地揀左位於道頓堀分店， 本身仲有間近點係心齋橋,但係實在太多Booking 了 所以就只可以Book 到道頓堀分店   當天我地食既星期五，或許是日本人的Happy Hour時光 當天我們晚上7時去到食，已經好爆場 不過服務完全非常之好的， 好似當日我們帶住BB車，又幫忙我們收起 然後又安排小孩的位置給我們 又準備小孩的碗，餐具仲有口水肩(即棄的)   最重要的是有中文菜單，就不怕唔知自己點D 咩肉啦 而收費亦會因不同年齡有不同既收費   成人：¥‎3,480(未連稅，約HKD240) 50歲以上：¥‎3,130 60歲以上：¥‎2,780 70歲以上：¥‎2,430 小學生：¥‎1,740 4-6歲：¥‎480 ; 3歲以下：免費 每人加¥‎980可增配飲品放題     由於我們限時二小時，所以只是短短拍了幾張燒肉照片 燒肉是有分有醬汁，大蒜鹽味醬汁同埋純肉 我就先推介一下有左上角的好似是豬舌 其他的真的唔太記得係咩肉 只記得右下的牛脊肉不錯的，我們點了好幾次     這個牛又是好吃的，但係真的有點濟胃的感覺 我們好似叫左兩次之後就冇再特別再點了 加上有Gogo 在場，我們都要急急吃急急燒啦     當時我先生又不斷係咁燒， 我又要同時食同時睇住小Gogo 真的吃起上來有的辛苦 不過幸好的是，先生也蠻滿意今次的晚餐     呢個係唔知咩芥末豬頸肉的， 吃起上來的確是蠻香的，但是蠻辣的 所以今次就只有先生吃過後,就沒有特別再點了     最後每位成人都可以點選一款甜品的， 其實吃完燒肉真的蠻飽的， 咁我同先生都分別揀左有呢個 芒果檸檬蛋糕配雪糕 超好食，但係蛋糕就好似有一點濟胃 但係真係不得了，唔係真係咁飽我都覺得超好食   蛋糕就當時沒有吃光光囉，因為實在有點飽 但係佢係味道好清新的，好好味     另外就是先生點的是清爽柚子冰沙 係咁熱既天氣食雪糕的確是很爽 加上柚子味清新的確是蠻消濟的 所以老公就吃得好滋味啦     說真的，有些人就話其實呢家既燒肉真係唔係好好食 D 牛又唔係咩特別靚牛，只係叫稍為有點質數 但係一定唔係和牛級，但係個人認為 只需要大約每人HKD$250-300 食到咁多燒肉 仲要服務係超好，又有水任飲 係香港真係食唔到咁既服務咁既質數囉   當然係大阪仲有好多唔同既燒肉店， 不過呢間係我係網上搵到最多資料亦係讚既多 但係如果大家想去食既話，真心記得記得要 去預約或者早D 去Walk in 享用呀 同埋記得去到人地地方都唔好做大曬鬼呀   如果真心只可以食一餐燒肉，又唔想曬太多錢的話 我推介，國產牛燒肉放題!!! 今次我地揀既係道頓堀分店 樓下仲係唔知有4-5層既激安 食飽飽仲可以行下激安消化下     【2017❤旅遊】 夏之遊✈️大阪 2017 酒店: Hotel Hillary 介紹 松乃屋豬扒定食店(Day 1) 天王寺動物園 (Day 2) 夏之遊✈️大阪 ♬ 京都巴士一天團 Day3 (上集)伏見及清水寺 (下集)金閣寺及嵐山 是日晚餐: 國產牛燒肉放題任吃     就這樣完結啦,下次再見!(拜~) ◕‿◕如有任何合作事宜. 歡迎以電郵或者到FB Page找我 ◕‿◕ 謝謝唷!   Contact me：manman811@gmail.com IG: angelbaby811