六個月了~我既新手媽媽實習班係時候升班了！ 由一開頭乜都唔識既一嚿蕃薯，到宜家開始有少少經驗值可以分享~   成為人母後，每日都好努力賺取經驗值~ 頭幾個lv真係升得好快！但越高lv就越難升...打大佬都越黎越難 :p 一開始我以爲生BB會好痛，點知，我又頂得順~蠔豉妹妹又好乖，好快就生左出黎 :)   到出左世後，蠔豉妹妹因爲黃疸指數太高，第3晚無得返屋企，而我就因為咁得到一對石頭胸... 但當時就只有一個信念，明明奶量好夠，無理由就咁就放棄餵哺母乳！所以又撐過去了~ 因為黃疸既問題，蠔豉妹妹出世頭1個月都不停進出醫院、健康院... 每次照燈蠔豉妹妹大喊既時候，我同老公都心痛到一個點...有好幾次喊左出黎，不過好彩就係喊左出黎舒服好多！ 始終第一次做人阿媽，乜都驚一餐，其實只要知係生理性黃疸就唔洗怕！密密餵奶就ok~   係頭3個月既時候，我既意智力真心勁到一個點！每次餵完奶、氹訓覺再泵奶，休息一陣後又loop，不停loop，但每次我都可以起到身真係好勁！ 宜家諗返起都想讚自己 :p 好彩有壹號皇庭、皆大歡喜同有線新聞陪我乍，如果唔係一定餵住奶都訓著~   而每次打針又係打大佬既時間！(一個月、兩個月、四個月同六個月) 每次都勁怕蠔豉妹妹會發燒或者有其他不良反應...所以呢啲時間我一定俾新鮮人奶妹妹飲，希望佢有多啲抗體！touch wood暫時每次都順便過關！ 講真，個人覺得蠔豉妹妹都算幾乖，佢都喊得好斯文~好少大喊~頂多係扭下人抱同撩人傾計~ :p   宜家6個月大，就要踏入另一個階段！ 佢唔再係乜都唔識既一個飯團~佢開始有思想，識模仿其他人既行為~ 真正既教育由宜家正式開始！ 希望呢個level我都一樣可以順利過關~   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring/  邀稿 : wingring417@gmail.com / wingring@ymail.com