不經不覺，BB已經係我個肚到8個多月，就快9個月Lu！呢8個月同佢一齊經歷左好多野，去既每一個地方、做既每一件事、講每一句既說話佢都陪住我。 好記得初初唔知有左BB，去見工個陣好緊張，又要自我介紹、Hard Sell下自己，原來個陣BB已經成為左我既鼓勵者，一直默默咁陪住我。 去到後期，自己有產前抑鬱，每一日都好唔開心，打唔起精神，我唔擔心自己好唔好得返，但就好擔心會影響到BB既情緒，怕佢大個會變炆薑。但好記得個陣開始感覺到BB郁，有時碌黎碌去，有時又踢下我咁，個種感覺好似支持緊我，同我講：媽咪唔好放棄，仲有我陪住你！或者係因為個女既支持，令我好快行返出呢個低谷時期，用左2-3個月時間，我終於過左抑鬱既階段， 真正享受到做準媽媽既快樂！ 作為一個Fresh Grad媽媽，連畢業禮都有個女陪，我真係覺得呢份畢業禮物好特別，試問有幾何自己畢業個陣，個女可以陪你一齊上台拎証書呢！哈哈！ 有時我會唔敢相信自己真係要做媽媽，同個女既感情係咪真係咁深厚？又好似唔太感受到。不過望見個肚愈黎愈大、又成日郁黎郁去，我慢慢真係感受到呢個女係我心目中既位置真係好重要！由2017年起就陪我經歷人生大大小小既事，連我最內心既諗法都光脫脫比佢知晒，佢除左係我寶貝女，更加係我既好朋友、好姊妹！ 歡迎媽媽們一齊交流／傾下計，成為我既同路人！將會有更多有趣，扮靚、健康、育兒等等既心得分享！ Facebook：https://www.facebook.com/90sMummy/ Instagram: https://www.instagram.com/minarainlo/