我屋企除咗幼兒單車之外,我哋仲有買滑板車。我覺得滑板車係必買嘅物品之一,因為滑板車可以訓練小朋友學平衡之外,仲可以訓練埋雙腳協調。 香港地屋企地方唔大,所以買一樣嘢返屋企,首要條件當然係佢功能要夠多同埋唔孑定地都好重要。今次我介紹呢款滑板車雖然係淘寶貨RMB99,佢性價比好高,係三合一嘅滑板車。由一歲玩玩到三歲都得,而換上可調節嘅T桿,仲可以玩到小朋友6、7歲添呀(**不過要視乎小朋友高度)。*踏板只能承受55kg重量。 仲有五隻色選擇,黑色、藍色、綠色、橙色、桃紅色。我都係比較鍾意黑色,型啲丫嘛。 同埋呢個款嘅滑板車,當滑行速度好快嘅時候,車碌仲會發光添呀~ 包裝好精美,好似正品一樣。 全配嘅配件,踏板部份(54cm長)、圓形把手(51cm高)、T形桿、、座位、小籃、螺絲。 圓形把手51cm高,座位只能承受35kg重量,座位仲可以調教高度。座位仲有好舒服嘅軟墊, **座位/小籃,可以選擇安唔安裝嘅。 滑板車唔算好重,就連和牛B都可以拎得起,雖然車身唔重,但都係好穩陣嘅。 和牛B大概2歲開始玩滑板車,最初都係俾佢坐住玩。 換上T形桿,高度可以調節,T形桿大約長60-78cm左右。 最近(2歲8個月)開始換上T形桿,正在開始慢慢學習企喺到玩平衡車。 由於我俾和牛B玩咗一段時間先至寫今次分享文,所以我幫襯嘅淘寶賣家價錢已經升咗啦… 大家如果想買又想平啲嘅話,可以試下用佢嘅Keywords再去搵另一家。 -->【淘寶購買連結】 <-- -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。