由知道將要成為媽媽的一刻開始，突然有一堆東西湧在頭上：買BB用品、設計BB房、計劃生育、BB出生後的安排、請工人等等，仲要應付排山倒海既檢查，孕期既不適。。。媽媽們一定好忙碌。但係雖然要準備甘多野，但有幾件事媽媽絕對唔可以忽略，否則之後會後悔！ 1. 預防妊娠紋 當媽媽個肚愈來愈大，皮膚拉扯超過一定限度既時候，皮膚彈性纖維發生斷裂，就會產生妊娠紋，尤其係懷孕6個月之後會更加明顯！最可怕既係，一旦妊娠紋出現，要把它拿走就好難架啦！ 生＂大bb"既媽媽更加要留意呢！因為大b媽媽們肚子大既時候係冬天，冬天比較乾燥，皮膚會更容易失去彈性，更容易產生妊娠紋呀！ 但媽媽們放心～要預防妊娠紋都有好多方法架，好似控制體重、記住注意皮膚保濕、用托腹帶、抗紋身體乳霜。。。但千萬唔可以懶惰呀～   2. 做適量和適合的運動 好多媽媽頭3個月既孕期不適都會比嚴重，而且呢個時候要陀穩bb，所以都建議多靜態活動和多休息～過佐3個月後，踏入Second Trimester，係媽媽既"Honeymoon Period"，媽媽都會精神好多，可以開始準備bb既清單，呢個時候就要開始做運動啦！ 做運動有好多好處架，可以控制體重，放鬆心情，緩解孕期疼痛好似腰痛、腳腫、抽筋等，仲可以保持肌肉張力，為分娩做好準備！所以做運動同注意飲食係同樣重要，絕對唔可以忽略呀～   3. 皮膚保養 好多人話懷孕之後皮膚會變得比較乾，呢個都係chauma發現既問題，皮膚容易缺水脫皮，因為chauma懷的是小女兒，所以暫時未出現豆豆的問題(touchwood!)因為聽說懷小兒子的話皮膚會容易出油出豆豆！因為懷孕既時候既荷爾蒙變化，之前用既護膚品都可能會唔適合，媽媽們記得注意皮膚保養搵一d適合自己既護膚品，當然一定要用天然,不含化學成分先唔會影響bb又可以同時keep皮膚好喔！   4. 做個靚媽 「世上沒有醜女人，只有懶女人」，其實「世上沒有醜媽媽，只有懶媽媽」～懷孕既時候媽媽們係最美既，但都要注意自己既儀容，做個出得埸面既靚媽媽！當然選擇化妝品都好重要，不要選含化學成分的，而且都不建議化濃妝～只要一些基本的妝，base，粉底，小小的眼妝，看起來清秀、簡潔就夠了～ 妊娠紋: https://www.mamibuy.com.hk/talk/article/65143   chauma會在之後的文章跟大家分享我的保養保健點滴，歡迎媽媽們一起交流分享，一起做個健康快樂美媽媽！ Facebook: https://www.facebook.com/chaumachaubu/