下星期就聖誕節喇！靚太姐妹們買哂聖誕禮物比朋友家人未呢？聖誕party的交換禮物又買左未呀？ 以前到左呢個時候就好傷腦筋，參加公司的聖誕party多數要交換聖誕禮物，要$100以上，$100要買得夠體面又實用又靚又男又女都用得又唔可以太貴，真係一個全年工作中最r爆頭的任務！買得差仲分分鐘比人笑幾年架! 今年做左全職媽媽，有幾個朋友的聖誕party要參加，正唸緊買咩聖誕禮物，就發現左「聖公會聖基道兒童院」正舉行朱古力義賣活動！    「 聖公會聖基道兒童院」於1935年成立，致力幫助兒童在關愛的環境下成長，發展潛能，並且活出豐盛人生。服務內容包括兒童住宿服務、學前教育服務、兒童健康發展綜合服務、新來港及低收入人士服務、臨床心理輔導服務及社會企業。  籌得的善款主要為孤兒及來自破碎家庭的兒童提供發展潛能的機會、擴闊視野的活動、情緒及心理輔導、功課輔導，以及發展本院非政府資助的兒童服務。     朱古力包裝精美，由「Jeanie Leung」設計插畫公仔，加上龍島朱古力，好靚！可以做善事之餘，又可以當交換聖誕禮物！ 上圖個細手環袋用黎送比朋友囡囡，已經包括左兩盒細嘅心型盒裝龍島朱古力！每盒朱古力入面都附有一位小朋友所畫的心意卡，好得意㗎！    另外呢盒大嘅心形比盒裝朱古力，內有九粒心形龍島朱古力，收到的朋友一定好開心！    我覺得真係好有意義，大家多多支持下啦！ 聖公會聖基道· 朱古力義賣詳情： http://www.skhsch.org.hk/chocolate/choco_meanings https://www.facebook.com/SKHSCH/ Jeanie Leung:https://www.facebook.com/jeanie-leung-107380752627200/ ～～～～～～～～～～～～～～～～～～～ 得閒黎睇下Timtam仔的Video啦！ Timtam仔的成長日誌 ～～～～～～～～～～～～～～～～～～～