話說近來開始要準備清假, 所以我都揀左d 平日下午放假 咁岩前排老公又要清假,所以就襯呢一些半日半日假期 比一次半次既時光我地拍下拖啦 其實呢間上海豆漿大王,係我地未生Gogo 之前成日去食架 但係因為佢既位置實在唔大,入唔到bb 車 加上d位梗加唔岩Gogo 坐, 所以多時間好想去食但係一路都食唔到 襯今次幾小時既空閒,就去左一路都想食既地方啦 首先要介紹當然係我既至愛啦,每次必點既 炸豬扒上海麵配雪菜/炸菜 點解咁鐘意去食呢間呢? 首先要講一定係佢地d麵條真係唔知點解係暫時食過好食既 湯底唔會過咸,配埋雪菜就是非常好味 最重要食完係夠曬飽肚!! 開頭老公覺得一碗麵應該唔夠飽, 本身想再叫多個小食,當我心多多唔知叫咩好食既時候 老公決定叫呢個純菜肉雲吞 好似$28/碗,入面大約有8粒好似 不過係好食架啵,雖然只係菜同豬肉 但係一樣係可以揀雪菜同炸菜既 另外豆漿,就好似凍既係$8/杯 熱既唔記得好似$10/碗 咸豆漿係$11定唔知$12 學生可以買一杯任飲的,可惜我唔係學生呀! 多年前我就係既... 最後就係老公點既酸辣湯麵,但係唔記得佢食咩配料 不過老公就覺得酸辣湯太傑啦,所以MIx 埋d麵食就好似怪怪地咁 所以佢就覺得唔妹食啦,不過係唔平囉 好似我地兩丁友食左三樣野加兩杯豆漿都成120 蚊找數 雖然係好飽既,對於我黎講 不過有句係認真既,係呢度大家唔好諗到有咩服務 最好人似澳牛一樣,去到要諗定食咩 唔好睇咁耐,一定要搭枱,同埋真係唔好吹d野食 始於係小店經營,趕時間就盡量唔好食啦 費時一陣激親自己啦 是日分享餐廳係上海豆漿大王 屯門鄉事會路129號康麗花園地下4號舖 就這樣完結啦,下次再見!(拜~) ◕‿◕如有任何合作事宜. 歡迎以電郵或者到FB Page找我 ◕‿◕ 謝謝唷! Contact me:manman811@gmail.com IG: angelbaby811