又放假喇!全職媽媽今日我又可以放假...半日咁多,交低Timtam比嫲嫲去同朋友聚舊一下! 這 每次同朋友聚gathering都盡量試新餐廳,今次去左係大坑的「Hello Kitty Secret Garden」! 我地有一個朋友係Hello Kitty鐵粉,全屋都係Hello Kitty, 連佢5歳個女都一樣咁鐘意! 雖然我不是Hello Kitty迷,再加上睇左網上評價,唸住都係「叫做有個地方大家可以傾下偈」,但原來除左可以傾下偈,食物質素都比到驚喜我喎!大家睇下我下面的推介啦! 餐廳位置雖然離天后地鐵站位置有段距離,大約要行15分鐘,不過都算容易搵到!裝修真係好鬼靚!一黎到唔係入去坐,而係出面影完相先,咁靚點都要影下啦! 入到去店面唔係好大, 得幾張枱,所以大家想黎記住一定要先訂枱!網上面話裡面再有高級的set dinner食架!好似話裝修又會唔同d! 連枱凳都印有Kitty個樣!話明secret Garden, 枱凳都用左實木傢私,襯返個主題!有心思! 好喇!食物又如何呢?我不是食家,不過我對食物都有要求嘅!每間餐廳都會有比較好味,或比較普通的菜式,我用星星代表推介指數! **** 抹茶鮮奶 Green Latte 夜晚我不能飲咖啡,唯有點呢個Green Tea Latte啦!一黎到見到Kitty個樣超得意,個個朋友都爭住影張相覺先!味覺都唔錯架!有驚喜!推介! ****玫瑰鮮奶咖啡 呢個係招牌飲品Rose Café Latte,好靚呀!朋友話味道都不錯! *****黑松露意粉 呢個係必食推介!很香的黑松露味道,意粉煮得軟硬適中,好味! ***咖哩雞配蒜蓉包 賣相靚,味覺就中規中矩。 **咔哇兒Pizza 其實係夏威夷Pizza, 餅底整左Kitty個頭型,影相幾靚嘅!不過餅底個人就不太喜歡! ***朱古力棉花糖pizza 甜品朋友指定要食呢個,今次呢個餅底係pancake底,配上棉花糖朱古力槳又幾好食! 其實有其他甜品選擇,下次再黎會試下呢幾款! 最後餐廳會送出Hello Kitty post card! 有5張咁多,朋友個女好開心呢! 我雖然不是Hello Kitty迷,但係呢度真係好靚好多影相位,我覺得如果帶小朋友黎影下相都幾開心架!食完野順便去下中央圖書館睇書,或者去維多利亞公園行下!不過餐廳坐位唔多,記住要訂位! ~~~~~~~~~~~~~~~~~~~~~ 餐廳資料: Hello Kitty Secret Garden 地址:大坑安庶街19號地下 訂位電話:2808 2868 ~~~~~~~~~~~~~~~~~~~~ 我的Facebook page: Timtam仔的成長日誌 ~~~~~~~~~~~~~~~~~~~~