小JM媽我本身既腸胃比較敏感， 好容易食到啲稍為不潔或油膩既食物時就會造成肚瀉， 嚴重既有時仲會引致腸胃炎添。   而小JM呢，係我肚入面個陣曾經照到腸道有光影， 所以我成個孕期都需要照超聲波去監察小JM既腸道健康問題。 （政府同私家兩邊走。。。）   到小JM加固後期，明顯地見到小JM去Bubu個陣比較辛苦， 小JM既膳食其實一直都係多菜少肉， 但Bubu依然都係咁辛苦， 有時仲會因為去Bubu既問題而攪到坐立不安同大喊添， 當媽既又點會唔擔心。 為左令緩解小JM去Bubu既問題，我亦試過買不同品牌既益生菌俾小JM飲， 但好可惜，問題依舊存在。   講真，每當我見到小JM因為去Bubu而攪到喊晒個陣， 個心真係好痛，亦覺得好自責， 因為可以做既都做晒，但仍然幫唔到小JM舒緩不適。 （已經有試過按摩肚仔，搽Cream都一樣唔得！）   直至到前排，我同小JM試左「日本15特選野菜粉」之後， 小JM去Bubu既問題終於有所改善，去Bubu個陣唔再喊晒口， 媽媽我終於都可以鬆一口氣。 而我自己亦明顯地腸胃都變得無咁敏感。 所以就連去日本旅行我地都帶定幾包去沖來飲， 以確保食得、訓得、Bubu得！     野菜粉沖好之後既顏色雖然係綠色， 但就唔會有平時飲五青汁所聞到既「草青味」， 反而有一陣好清淡香甜既味道。 所以我同小JM都好喜歡飲，一啲抗拒都無架。   見小JM都鍾意飲野菜粉沖劑， 於是媽媽我就大膽地用野菜粉來整甜品俾小JM食， 希望可以變出多種唔同既食法同飲法， 令小JM無咁易會覺得悶啦。     野菜粉牛奶布甸 材料：  日本15特選野菜粉    一包 全脂牛奶            兩盒 魚膠粉                適量 棉花糖                4 粒   主要工具：   隔篩 甜品杯 甜品小樽（膠）     今次因為係整俾小JM食，所以都唔想整太甜， 所以係整布甸個陣就唔會落糖。 而棉花糖就係用來整布甸入面既「牛奶啫喱」用既， 所以整體而言就唔會太甜，甜味適中，岩晒小朋友食。 而今次既甜品做法就會分為兩個部分， 第一個部分整「牛奶啫喱」， 第二個部分整「野菜粉牛奶布甸」。     做法：  「牛奶啫喱」： 1.）    先將半盒牛奶倒進碗內，備用   2.）    預先煲好一煲熱水，將盛有牛奶既碗放入煲中，隔水煮熱 3.）    取出數粒棉花糖，並置放於碗中，輕輕攪拌，直至溶化即可   4.） 將已煮成既棉花糖牛奶倒於儲存盒內，     並置放於雪櫃，待為凝固即可。     （可按個人需要加入適量魚膠粉或魚膠片）     「野菜粉牛奶布甸」：  1.）    將一盒半牛奶倒入碗中。 2.）    取出野菜粉，並倒入牛奶之內，輕輕攪伴，備用。 3.）    取出約 6-8g 的魚膠粉，並置放於小碗中備用。 4.）    將熱水加入魚膠粉中，慢慢攪伴。 5.）    將已攪伴既魚膠粉加入野菜粉牛奶中，再慢慢攪伴，備用。 6.）    取出隔篩，將已攪伴好既野菜粉牛奶倒入篩中，     以隔除多餘的魚膠粉或粒顆。     咁樣整出來既布甸就自然夠滑啦。 7.）    完成後將部份野菜粉牛奶倒入甜品杯中，     若1/4 左右就可以，     並置放於雪櫃，以冷卻，待稍為凝固後便可取出，備用。 8.）    將己預備好的棉花糖牛奶啫哩取出，     並切成小粒，備用。 9.）    將已切粒既棉花糖牛奶啫哩分配到各個甜品杯或小樽內，     慢慢置放好位置即可。 10.）將剩餘既野菜粉牛奶倒入甜品杯或小樽內，     以遮蓋好棉花糖牛奶啫哩，即成。     完成後就可以放入雪櫃，     待凝固後即可進食。     今次整野菜牛奶布甸需然係多工序， 但係當我見到小JM食到唔捨得停個樣就即時覺得抵返晒。 小JM食到唔願放手，係都要自己拎住來食添。 我仲諗住趁小JM唔為意個陣偷偷食佢杯甜品， 點知小JM就話： Nope！Nope！ 話唔俾我食添。 今次用左小膠樽來整布甸真係唔錯既選擇， 小JM好enjoy自己拎住枝細匙來自己食。 小JM真係長大啦。。。媽媽都好唔捨得喔。           「日本15特選野菜粉」小簡介：  日本15特選野菜粉係由日本生產既。 採用左一種超微粉碎技術去將新鮮既蔬菜粉碎製成粉狀， 而當中既蔬菜係未經過任何既烹調架， 所以係可以話「原汁原味」既， 仲可以保存到蔬菜入面既酵素添， 同時亦含有豐富既膳食纖維、鐵、鈣、維生素B、C及E 等等添架。 而野菜粉入面既酵素正好提供到大腸所需要既營養，可以令腸道更健康！   「日本15特選野菜粉」含有十五種蔬菜，分別為：  南瓜、西芹、蘆筍、菠菜、牛蒡、苦瓜、 胡蘿蔔、白蘿蔔、小松菜、圓白菜、西蘭花、蘿蔔葉、荷蘭芹、 羽衣甘藍、大麥若葉、     如果大家有興趣想試下「日本15特選野菜粉」有幾正既話， 就要密切留意下我地既FB Page啦！ 來緊我地會有GIVEAWAYsssss架！   希望你地既小B都一樣好似小JM咁，會鍾意「日本15特選野菜粉」啦！         ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬ ♩ Ubaby Magazine。駐站Blogger  ★ 傑。斯與晴  ♪ ♫ MyBB.com。 駐站Blogger  ★ 傑。斯與晴   ♬   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯與晴（Jolie Babe。小JM の 成長印記）