第一胎同第二胎分娩有咩唔同？ 好多朋友都同我好多類似問題… 「生第二胎係唔係痛過生第一胎？」 「第二胎係唔係會早d出世？」 「第一胎係唔係會遲過預產期出世？」 N個問題..haha..   今日我報告一下我自己兩胎分娩既各種情況 三年前我係仁安醫院生哥哥，好記得我開始陣痛.之後即刻飛去醫院，一去到醫院經巳開到3度，過左半個鐘開到6度，姑娘問我要唔要打止痛針，我更係話要la...(其實去到6度未算好痛..不過聽人講去到8度就會痛到傻左..)，之後醫生幫我人手穿水加落藥加速宮縮，十五分鐘之後就開到10度(過程真係好快，又冇想像中咁痛..止痛針真係有效)，入產房聽醫生指示..「一吸一呼…. 一吸一呼…一吸一呼..」就咁第三下哥哥就出世la(分娩過程只係用左7分鐘)，哥哥重2.51kg，真係好好感恩…岩岩夠重唔需要訓保溫箱…..最最感恩既係…不用剪會陰.只係裂好少好少..少到連聯針都唔覺得有感覺 生第一胎我.我真係唔太辛就生左哥哥，我覺得主要原因係有跺足醫生同助產士指示去做，.只要大家跟足助產士同醫生的指示去用力.真的可以很快同順利生產 上年係浸會醫院生妹妹，今次感覺實在好多…因為真係有痛既感覺…(其實都可以接受)，今次都係開始陣痛.之後即刻飛去醫院，分娩過程都有d唔同，唔同醫院有唔同方法… 入到醫院做完檢查就入直接入產房，當時子宮係開到3度，之後醫生幫我人手穿水同打子宮收縮針加快產程,浸會醫院呢度冇打止痛針.係助產士人手幫我按摩.同吸笑氣止痛.按摩真係好舒服,上一胎係用止痛針加笑氣.如果有得再選擇.我都會揀按摩加笑氣(感覺上打左止痛針個人反應會慢左)，大約15分鐘之後就去到10度…分娩過程正式開始…「一吸一呼…. 一吸一呼…一吸一呼…..」e….點解我好似唔夠力咁既….妹妹個頭比哥哥大…我用盡力氣都push唔到….抖一抖….之後又「一吸一呼…. 一吸一呼…一吸一呼…. 一吸一呼…...」 終於第七下妹妹出世la(分娩過程只係用左18分鐘))…妹妹重2.65kg，.生妹妹既過程係比較有感覺(因為真係有痛…) ..好感恩今次都係唔需要剪會陰.只係裂好少..(如果剪會陰好傷身呢…同埋痛好多…又唔可以咁快落床…)，另外浸會醫院好支持母乳餵哺.一生完妹妹就可以係我身上吸啜10mins先分開我地，.真係好好！醫院探訪時間好長07:30-22:00,應無限人數.親子時光亦好長，真係好顧及父母既感受！ 哥哥同妹妹都係足月出世，第一胎遲出世/第二胎早d出世，呢d情況係我身上係冇出現既…我生妹妹過程係耐過生哥哥11分鐘…所以生第二胎快過第一胎係我身上都唔成立. 總括..其實每個媽媽同BB體質都唔同，早生遲生，生得快生得慢，呢d情況真係每個媽媽都唔同.，強烈建議孕媽媽唔需要太擔心，分娩過程其實好簡單..唔需要想像太恐怖..生BB係神聖同甜蜜既事情同回憶，媽媽們不要太緊張，因為你緊張.阿B其實佢仲緊張.一齊輕鬆迎接生產時刻的過程吧，餵母乳的媽媽.我地要堅持堅持再堅持，大家加油喔！ 歡迎合作試用-邀文-出席活動 請電郵聯絡 Email : ie063003@yahoo.com.hk Instagram : www.instagram.com/sinmamaftm Facebook page : www.facebook.com/sinmamaftm