嚟到沖繩自駕遊，仲要係親子遊，我諗唔到有乜理由唔去「沖繩美麗海水族館 」(沖繩美ら海水族館)呢!! 真係超興奮!!! 超級大嘅玻璃幕觀賞魚，重點就係有兩條超大嘅鯨鯊!! 事不宜遲，馬上睇片啦~~     行程話咁快去到第三日，目的地係最遠最遠嘅「海洋博公園」，雖然地點好遠，揸車大約要2小時左右，但係我會覺得唔去過呢到，唔算嚟過沖繩！由於海洋博公園實在太多有趣、震撼嘅事想同大家分享，所以我會分成幾篇文章介紹，而今篇會重點介紹「沖繩美麗海水族館」。       其實海洋博公園本身有好多設施、館藏、海豚表演都係免費，所以好值得去。只有「沖繩美麗海水族館」係需要入場費，但票價方面，我覺得唔算貴，6歲以下小童係免費。所以我地一家三口只需要¥3,700(*約HKD260)就可以入場。     淨係睇水族館同鯨鯊都花咗唔少時間，喺海洋博公園，我哋玩咗足足一日。         票價資料： 　 入館時間 8:30am～4pm 4pm～最後入館 一般 （4pm以後門票） 大人 ¥1,850(*約HKD130) ¥1,290(*約HKD90) 高中生 ¥1,230(*約HKD86) ¥860(*約HKD60) 中・小學生 ¥610(*約HKD43) ¥430(*約HKD30) 未滿6歲 免費 ＊詳細入場費資料，請參閱官網   完成購票手續後，就可以正式入場，進場後就會見到兩個公告板寫住今日節目時間表。   珊瑚礁之旅 遊客可以透過觀察、觸摸珊瑚礁或海星，從而加深對佢哋嘅認識。 觸摸海洋生物之前，記得要去旁邊洗手處潔淨雙手，先好觸摸佢哋呀。觸摸完亦都要記得潔淨好雙手，先離開下一個景點。 仲有就係，只可以觸摸，係唔可以拎起佢哋呀！ 和牛B唔夠膽伸手入去摸，所以由爸爸代勞，感受一下海洋生物係點樣。   深海之旅 離開珊瑚區，嚟到魚類嘅部份，超吸多魚!! 就算現場多人，亦可以搵到好位置影相。 呢條魚好吸引我!! 因為我真係未見過，你睇下佢對眼大到！！   整多個正面先，真係好鬼Cute！     佢對眼真係超級大，我未見過咁大眼嘅魚，大眼雞都唔夠佢嚟，目測佢對眼至少有5cm以上直徑!!     喺現場除咗我感到興奮之外，和牛B都一樣好開心好興奮，「哇～好多魚呀！你睇吓！」     兩個小女孩都被啲魚吸引住，所以每一張相都幾乎係影后。     睇完呢一個都幾大嘅魚缸後，再往前行。會有好多未曾見過又或者香港睇過嘅海洋生物。   呢一隻其實係蟹，係咪好似蜘蛛呢，我都以為係，但佢係一隻「椰子蟹」。     呢條魚看似平平無奇，睇清楚啲佢其實好靚，你睇下佢啲魚鱗係彩虹色嘅。     海洋世界又點少得Mo仔同埋多莉呢，和牛B睇得超入神，因為佢都認為佢哋係多莉呀~       日本嘅水母，同香港有冇唔同呢。     唔好以為呢隻只係一隻好普通嘅龍蝦，有乜好影。海鮮檔都有，但係我就真係未見過咁大嘅龍蝦!! 佢嘅Size至少係平時海鮮檔係嘅Double Size!!     黑潮之旅 終於嚟到戲玉，「黑潮之旅」終極最大仲有最大條嘅鯨鯊都喺呢到等大家。走到沖繩每個角落，唔知大家有冇留意，好多時都會搵到以鯨鯊為主題嘅精品手信。     黑潮探險（水上觀覽區），遊客可以從黑潮之旅嘅升降機登上參觀。不過要留意只限夏季3月至9月期間先有呢個活動，而且每日都有限定場次 (共6場)。     1. 9:30am 2. 10am 3. 10:30am 4. 6pm 5. 6:30pm 6. 7pm   仲有遊客餵飼時間表，如果想餵魚嘅話就要留意返公告板或者官網啦~   黑潮探險其實係喺鯨鯊魚缸上面遊走以及睇鯨鯊。橋嘅設計係透明底嘅，可以直接望到下面。       睇下望唔望到鯨鯊先。       睇完高角度之後，正式去返大魚缸到睇鯨鯊!!!   超興奮超震撼!!! 個玻璃幕高8.2公尺、闊22.5公尺，仲大過戲院螢幕，無論幾多人都好，你都一定可以搵到一個好位置影到有魚!!!             和牛B超級開心，不停指住玻璃幕同我哋講好多魚、好大條魚。     除咗正中間嘅玻璃幕睇鯨鯊之外，仲有另一個位睇魚。分流做得好好，亦可以從多角度觀賞。   每個區都會有相關嘅資料卡，行晒全部區，會收集到10張卡。可以幫自己加強呢次旅行嘅記憶，亦可以更了解海洋世界嘅生物。       海洋博公園周圍嘅靚海景，藍天白雲仲有藍綠色嘅海洋呀！！     停車場 海洋博公園設有多個停車場，重點係免費泊車!!    海洋博公園 地址：沖繩縣國頭郡本部町字石川424番地 網址：http://oki-park.jp.t.ms.hp.transer.com/kaiyohaku/inst/   沖繩美麗海水族館 開放時間： 8:30am-6:30pm(冬季：10月至2月) 8:30am-8pm (夏季：3月至9月) 地址：沖繩縣國頭郡本部町字石川424番地 電話：81-980-48-3748 網址：https://churaumi.okinawa/     ＜行程 + 景點＞ 【沖繩親子自駕遊】親子齊玩 x 裝飾好味雪糕 x 少女味 @ Blue Seal x Ice Park 【沖繩親子自駕遊】TomiTon 醫肚+放電+購物 & 森林家族專門店   -------------------------------------------------- 歡迎聯絡我&和牛B，參加產品試用和活動: email: chungying56@hotmail.com Facebook專頁: 80's Mami – 和牛B嘅成長專頁   -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。