上星期天文台預告星期六會有風球將至, 原先同爸爸仲擔心緊星期六既天氣問題, 同時又擔心緊Marvel Run節目安排。 到左星期六,天氣出奇地好,仲熱到不得了添,真係多謝大陽伯伯。 事關小JM好鍾意Marvel 入面既蜘蛛俠同Iron Man, 所以當我地知道有Marvel Run就已經幫小JM報左名參加親子跑, 親子跑全程約200米左右,當初我地亦預料小JM可能要抱足全程, 點知當日小JM真係好盡力又跑又行咁拖住爸爸完成全程。 呢一下真係令我同爸爸都覺得好出乎意料之外, 原來不知不覺間小JM又長大左啦! 不過小JM臨近終點個下係有啲失望既, 因為見唔到蜘蛛俠, 原來蜘蛛俠係小JM個組起跑個陣就已經去左休息。 每十五分鐘左右就會轉兩個角色出場, 咁岩小JM個組係鷹眼同黑寡婦, 可能因為兩個都黑蚊蚊咁啦, 所以小JM有啲驚,黑寡婦想拖小JM去終點個陣小JM仲嚇到縮添。 到鷹眼接近個陣,小JM又驚驚豬,真係傻豬來既。 到跑完去到休息區,見到小JM拎住自己既獎牌好珍惜咁慢慢、細細咁摸, 感覺小JM似乎知道呢個小小既獎牌係用自己同爸爸既汗水換返來, 所以要好好珍惜咁。 不過當日天氣真係太過酷熱啦, 中途都見到有幾位媽媽或長者中暑需要由救護車送院。 所以當要帶小B們出去戶外活動既時候, 爸媽們記得為小B好好做足預備,要帶足夠既水、做好防曬、防蚊等措施。 咁就自然玩得開心又放心啦! *最好帶定多套衫去替換添啦!* 既然一場來到廸廸尼,又點少得入園玩呢,緊係帶埋小JM入去玩下睇下啦! 雖然太細有好多遊戲設施未玩到, 但去體驗下亦不失為一個好既學習體驗呀。 小JM雖然未敢同公仔單獨影相,但還好都未至於怕, 影完想都同公仔講拜拜同飛吻, 見到巴斯仲開心到未影前不停叫巴斯, 但到左要影相又好怕羞。 今日帶左小JM去騎木馬, 未開始前小JM依然好興奮好期待, 但坐左上馬就開始有啲不安,命想逃走添, 可惜已經太遲, 所以唯有嚐試安撫小JM係啦。 而算最享受既項目就莫過於係米奇幻想曲同小小世界啦。 米奇幻想曲其實等同佢平時睇卡通咁上下, 只係個場黑啲,聲音大聲啲同會噴下水咁囉, 但知臨完場呢隻豬仲幾乎舒服到訓埋添! 小小世界就真係完全可以用「目不轉睛」來形容, 小JM對眼不停望住啲公仔,有時仲一齊郁埋一份跳舞咁話, 真係睇得好開心。 玩完全日,我地仲睇埋惡人巡遊先走, 小JM一樣無驚過,但就睇到眼定定! 一上車出返市區已經即時訓左, 到左食野個陣話咁快又電量充足, 又繼續吱吱喳喳咁。 臨訓前問小JM玩得開唔開心, 雖然佢無回答, 但小JM既笑容同大力點頭已經係答案, 亦都係作為爸媽辛苦左全日既最佳回報。 我諗小JM全日最開心莫過於可以同胡廸、巴斯同埋唐老鴨影相。 (可惜搵唔到跳跳虎,唯有等下次。) ♫ ESDlife靚太Club 。 星級榮譽會員 ★ sleepyceci ♬ ♩ BK Milk。親子語。駐站Blogger ★ 傑。斯與晴 ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger ★ 傑。斯與晴 ♪ ♫ 媽媽經 。 駐站精選Blogger ★ 傑。斯與晴 ♬ ♩ Ubaby Magazine。駐站Blogger ★ 傑。斯與晴 ♪ ♫ MyBB.com。 駐站Blogger ★ 傑。斯與晴 ♬ 歡迎追蹤 小JM 既Fanspage 「傑。斯與晴」: 如有任何查詢/合作,歡迎聯絡我同小JM 參與產品試用或者各樣活動 媽咪既Email係: sleepyceci@hotmail.com 小JM既Facebook Page: 傑。斯 與 晴 (Jolie Babe。小JM の 成長印記)